O Plan estratéxico 2017 da Fundación Pública Urxencias Sanitarias de Galicia-061 é o documento que recolle o que a organización quere ser dentro de catro anos e como conseguilo. No plan establécese en que grandes áreas de interese hai que traballar e mediante que plans de acción concretos pode achegarse ao que a fundación quere ser.
Memoria da actividade desenvolvida por Galaria, empresa pública de servizos sanitarios durante o ano 2013, que inclúe actividade asistencial, consultoría e protección radiolóxica, produción de radiofármacos, participación en actividades de eficiencia enerxética e xestión do servizo de cita previa telefónica "Saúde en liña", así como os datos de recursos humanos, actividade científica, estrutura organizativa e novas tecnoloxías incorporadas á empresa.
Esta memoria recolle as accións e indicadores da Dirección Xeral de Innovación e Xestión da Saúde Pública para o ano 2013. Recompilouse a información relevante para cada un dos catorce servizos cos que conta esta dirección xeral. Ademais faise unha síntese dos sistemas de información xestionados e das publicacións realizadas na web e na intranet.
Esta memoria recolle as accións e indicadores máis destacables da Dirección Xeral de Innovación e Xestión da Saúde Pública para o ano 2013. Recompilouse a información relevante para cada un dos catorce servizos cos que conta esta dirección xeral. Ademais faise una síntese dos sistemas de información xestionados e das publicacións realizadas na web e na intranet.
A OMS define a avaliación de impacto en saúde (AIS) coma unha combinación de procedementos, métodos e ferramentas polas cales unha política, un programa ou un proxecto pode avaliarse en función dos seus potenciais efectos sobre a saúde e a distribución destes na poboación sobre a que se actúa. O obxectivo xeral da AIS é ofrecerlles información quen toman as decisións sobre as implicacións na saúde que teñen as políticas que se van establecer, tendo en conta valores como a democracia, a equidade, o desenvolvemento sostible e o uso ético da evidencia. En outubro de 2012 impartiuse en Santiago de Compostela o curso Introdución á Avaliación do Impacto en Saúde, que tivo unha parte non presencial que se desenvolveu en liña, e cuxos resultados se presentan neste informe.
A OMS define a avaliación de impacto en saúde (AIS) como unha combinación de procedementos, métodos e ferramentas polas cales unha política, un programa ou un proxecto pode ser avaliado en función dos seus potenciais efectos sobre a saúde da poboación e da distribución destes na dita poboación. O obxectivo xeral da AIS é ofrecerlles información a quen toman as decisións sobre as implicacións na saúde que teñen as políticas que se van establecer, tendo en conta valores como a democracia, a equidade, o desenvolvemento sostible e o uso ético da evidencia. En outubro de 2012 impartiuse en Santiago de Compostela o curso Introdución á Avaliación do Impacto en Saúde, cunha parte non presencial, que se desenvolveu en liña e cuxos resultados se presentan neste informe.
Publicación na que se trata de establecer a coordinación e a integración das distintas accións específicas da atención temperá nos diferentes centros sanitarios implicados; defínense circuítos asistenciais que teñen como obxectivo final mellorar e impulsar ao máximo o desenvolvemento das capacidades físicas, psíquicas, sensoriais e sociais dos nenos e das nenas dende os primeiros momentos da súa vida.
Tríptico de carácter divulgativo que dá a coñecer o novo marco normativo e o novo escenario de colaboración e coordinación entre as consellerías de Sanidade, Educación e Servizos Sociais, en materia de atención temperá. A súa finalidade é achegar a información en atención temperá ao maior número de profesionais e persoas vencelladas coa poboación infantil de 0 a 6 anos, e asemade converterse nunha ferramenta de sensibilización en materia de desenvolvemento infantil.
Información en liña verbo das principais medidas preventivas nos traballos con fitosanitarios: o seu rexistro, a etiqueta, a ficha de datos de seguridade, o traballo con fitosanitarios, a capacitacón de profesionais, os equipos de protección individual, a inspección de equipos de aplicación e lexislación aplicable.
Información en liña verbo das principais medidas preventivas nos traballos con fitosanitarios: o seu rexistro, a etiqueta, a ficha de datos de seguridade, o traballo con fitosanitarios, a capacitación de profesionais, os equipos de protección individual, a inspección de equipos de aplicación e lexislación aplicable.
A obesidade está considerada como a epidemia do século XXI; trátase dunha das enfermidades crónicas non transmisibles ás que cómpre prestarlles especial atención, por ser causa de mortaldade precoz.
A Dirección Xeral de Innovación e Xestión da Saúde Pública, a través do Programa Galego de Actividades Saudables, Exercicio e Alimentación, na súa procura de modificar os patróns alimentarios e de actividade física na poboación infantil, redactou o documento técnico do Plan para a Prevención da Obesidade Infantil en Galicia, "Plan Xermola".
Entre as actividades divulgativas do Plan contemplouse o deseño de carteis, co obxectivo de promocionar estilos de vida saudables nas consultas de medicina xeral dos centros de saúde.
Publicación periódica mensual na que se recollen novas sobre as actuacións maís salientables da Xunta de Galicia nos eidos laboral e do benestar. Acompaña á publicación unha recompilación normativa de lexislación relacionada con estes ámbitos de carácter autonómico (DOG e diarios oficiais das restantes comunidades autónomas), estatal (BOE) e comunitario (DOUE).
