Énchete de saúde cos alimentos!: Aquí atoparás moitos alimentos con ingredientes que che axudarán a manter un axeitado funcionamento dos seguintes órganos e sistemas.

A obesidade está considerada como a epidemia do século XXI; trátase dunha das enfermidades crónicas non transmisibles ás que cómpre prestarlles especial atención, por ser causa de mortaldade precoz.
A Dirección Xeral de Innovación e Xestión da Saúde Pública, a través do Programa Galego de Actividades Saudables, Exercicio e Alimentación, na súa procura de modificar os patróns alimentarios e de actividade física na poboación infantil, redactou o documento técnico do Plan para a Prevención da Obesidade Infantil en Galicia, "Plan Xermola".
Entre as actividades divulgativas do Plan contemplouse o deseño de carteis, co obxectivo de promocionar estilos de vida saudables nas consultas de medicina xeral dos centros de saúde.