O obxectivo do presente informe é elaborar indicadores de calidade para a avaliación do tratamento quirúrxico da HBP mediante láser baseados na evidencia científica e no consenso de expertos. Este informe ten características especiais na edición xa que responde ós requisitos do Plan de Calidade para o SNS 2010, aprobado no Consello Coordinador de Publicacións da Xunta de Galicia, con data 29 de xuño de 2010.
Coñecer a seguridade e efectividade dos stent BVS (Bioresirbable Vascular Scaffold) con elución de everolimus no tratamento da cardiopatía isquémica debido a lesións de novo en arterias coronarias nativas.
Intrución que reflicte os obxectivos a acadar nesta campaña 2013, así como os aspectos técnicos relacionados coas vacinas antigripal e antipneumocócica que se van utilizar. Recolle tamén aspectos relacionados coa xestión da campaña desde a petición, distribución e rexistro das doses utilizadas na campaña. Vai dirixida a todos os profesionais sanitarios dos puntos de vacinación (públicos e privados) que participan nesta campaña antigripal e antipneumocócica 2013.
Obxectivo da Comisión Galega de Bioética é velar polos dereitos fundamentais no ámbito sanitario galego, fomentar e impulsar o seu cumprimentos, unha das liñas estratéxicas do Sistema Público de Salud de Galicia. A obriga de respectar o dereito á intimidade e á confidencialidade das persoas usuarias do Sistema é un compromiso institucional plenamente integrado co deber individual, ético e legal de todos os profesionais. A obra que se presenta, "Intimidad y confidencialidad, obligación legal y compromiso ético", da resposta a estas premisas e, ao tempo, a extender os aspectos éticos na actividade asistencial cotidiana e contribuir, así, o cambio de cultura na nosa organización respecto ós dereitos sanitarios.
O obxectivo do presente informe é analizar a seguridade, efectividade e eficacia do implante transcatéter por vía percutánea ou transapical de próteses biolóxicas de válvulas aórticas no tratamento da estenosis aórtica grave sintomática.
O Programa de vixilancia sanitaria das xonas de baño realízase na Comunidade Autónoma de Galicia dende o ano 1983. Este programa lévase a cabo por parte de todas as comunidades autónomas coordinado polo Ministerio de Sanidad, Servicios Sociales e Igualdad, desde o ano 1988. Na nosa Comunidade Autónoma a temporada de baño establécese, en función das condicións climatolóxicas, desde o 1 de xuño ao 30 de setembro, se ben a primeira recollida de mostras realízase na segunda quincena de maio. As mostraxes realízanse cunha frecuencia quincenal, de tal modo que ao final de tempada téñense 8 controis que son os necesarios para clasificar sanitariamente as zonas de baño. Os parámtetros controlados son os que indica a lexislación vixente (Real decreto 1841/2004, de 11 de octubre, sobre la gestión de la calidad de las aguas de baño). Cos resultados obtidos en cada tempada elabórase o Informe Técnico do programa de vixilancia sanitaria das zonas de baño de Galicia. A publicación é en formato electrónico. Nesta diferéncianse dous apartados, o informe e os anexos. No anexo II móstrase unha ficha de cada zona de baño incluída no programa no que se poden consultar os datos da calidade microbiolóxica das augas das zonas de baño, a estatística microbiolóxica de cada punto de mostraxe e a clasificación sanitaria final de cada unha.
En Galicia, Seguindo as recomendacións da OMS, véñense realizando estudos de saúde bucodental cada 5 anos dende 1995 entre escolares de 6 e 12 anos. Ao longo desa década produciuse unha mellora na saúde dental dos escolares galegos. Cunha redución na prevalencia de carie do 39% aos 6 anos (de 46,7% en 1995 a 28,6% en 2005) e do 18% aos 12 (64,2% a 52,7%). Aínda que xa no ano 1995 se cumpriran os obxectivos propostos pola OMS para o ano 2000 na rexión europea. Co fin de continuar a serie quinquenal a Dirección Xeral de Innovación e Xestión da Saúde Pública levou a cabo un novo estudo ded Saúde bucodental en escolares de Galicia no ano 2010, incluíndo neste caso o grupo de 15 anos. Esta publicación mostra os resultados deste estudo.
A anemia falciforme é unha enfermidade sistémica producida por unha alteración genética da hemoglobina que se trasmite por herencia autosómica recesiva, preséntase máis frecuentemente na áreas xeográficas nas que a malaria é endémica, aínda que este patrón xeográfico variou cos recentes fluxos migratorios. En España a incidencia estimada da anemia falciforme é baixa. As manifestacións clínicas dependen do genotipo e da idade. Nas formas máis graves o cadro clínico pode iniciarse nos primeiros meses de vida e producir unha elevada mortalidade, debido principalmente ás infeccións por xermes encapsulados. O obxectivo do cribado neonatal de anemia falciforme é iniciar o tratamento antibiótico profiláctico precozmente para reducir a incidencia e a mortalidade.
Desenvolver un marco metodolóxico estructurado para a identificación, priorización e avaliación de Tecnoloxías novas e emerxentes susceptibles de ser incorporadas a práctica clínica nos seguintes 1-2 anos.
A enfermidade renal crónica é un importante problema de saúde pública pola súa elevada prevalencia, a súa importante morbi-mortalidade cardiovascular, e os custos sociais e económicos que supón. As opcións finais do tratamento son a diálise ou un trasplante de riñón, pero existe unha brecha crecente entre o número de doantes e receptores, por iso é necesario aumentar o número e calidade dos órganos trasplantados. A máquina de perfusión pulsátil pode presentar fronte a conservación en frío unha serie de ventaxas que permitan ampliar os criterios do doante e aumentar a produción de doantes de órganos falecidos.
O obxectivo do informe é avaliar e eficacia/efectividade da canaloplastia no glaucoma de ángulo aberto.
O obxectivo do informe e avaliar a eficacia/efectividade, seguridade do cribado neonatal da FQ e describir as diferentes estatexias de cribado neonatal da FQ (protocolos, probas, etc). Este informe ten características especiais da edición xa que responde aos requisitos das publicacións editadas dentro do convenio de colaboración entre o Instituto de Salud Carlos III, e a Comunidade Autónoma de Galicia, para a avaliación de tecnoloxías sanitarias dentro do Plan de Traballo da "Red Española de Agencias de Evaluación de Tecnologías y Prestaciones del SNS" (antes Plan de Calidad para el SNS) aprobado en Consello Coordinador de Publicacións da Xunta de Galicia, con data de 29 de xuño de 2010.
