Catálogo

Boletín que presenta a avaliación da eficacia e seguridade do MIRABEGRÓN, novo fármaco indicado no tratamento dos síntomas asociados á síndrome de vexiga hiperactiva.

En abril de 2013 o Parlamento de Galicia instou á Xunta a que elaborase e puxese en marcha un plan de loita contra a obesidade infantil, aliñado coa estratexia da Organización Mundial da Saúde, a Unión Europea e o Goberno do Estado que, liderado pola Consellería de Sanidade e coa colaboración de todos os departamentos da Xunta que sexa preciso, permita garantir o mellor nivel de saúde, presente e futura, dos nosos nenos e nenas.
A resposta dada pola Consellería foi a elaboración do Plan de prevención da obesidade infantil, que denominamos "Plan xermola" e que concrétase en 13 liñas de acción e 34 intervencións agrupadas en cinco estratexias que cobren, desde o principio da multisectorialidade, practicamente todos aqueles aspectos que poden influír na loita contra a obesidade infantil.

O obxectivo xeral deste traballo, que aparece publicado en formato electrónico, é coñecer as perspectivas dos pacientes, familiares e profesionais sobre a depresión e o seu manexo clínico. Del tradúcense, en termos de investigación, os seguintes obxectivos específicos: analizar a vivencia da depresión e o proceso asistencial dende o punto de vista do paciente e das súas familias, así como dos profesionais, coñecer de primeira man as expectativas do paciente nos diferentes momentos do proceso e identificar tanto os puntos fortes coma as principais áreas de mellora.

Publicación que recolle a actividade da oficina dos hospitais galegos referida á doazón e transplante tanto de órganos coma de tecidos. Complétase cos datos do programa de garantía de calidade na doazón e transplante e detállanse os centros autorizados para a extracción e o implante de órganos e tecidos e os establecementos de tecidos.
Amais das actividades desenvolvidas pola oficina, figuran tamén os obxectivos para o vindeiro ano.

Publicación, dirixida a persoas tecnicamente cualificadas e ONG que traballan no campo do VIH-sida, con contidos verbo das novas infeccións causadas polo virus da inmunodeficiencia humana, de maneira que se informa sobre o importante cambio que se produce cando a problemática se considera desde a perspectiva da infección e non da enfermidade; deste xeito coñecemos as características actuais da epidemia, tanto no que se refire ás persoas afectadas coma ás prácticas de risco e distribución temporoespacial.

Manual que proporciona información básica para desenvolver o traballo de laboratorio en condicións seguras en consonancia co que marca a lexislación vixente en materia de prevención de riscos laborais. Ademais de abordar os principais perigos e riscos, a guía inclúe normas de conduta e protocolos de actuación en caso de accidente. No documento considéranse fundamentais os riscos producidos nun laboratorio onde exista unha exposición a axentes químicos

Os obxectivos da "Guía de práctica clínica sobre o manexo da depresión no adulto. Versión resumida" son: mellorar a atención sanitaria prestada a pacientes con depresión no ámbito da atención primaria e hospitalaria do Sistema Nacional de Saúde; ofrecer recomendacións actualizadas ao persoal profesional sanitario para a atención a pacientes con depresión.

A OMS define a avaliación de impacto en saúde (AIS) coma unha combinación de procedementos, métodos e ferramentas polas cales unha política, un programa ou un proxecto pode avaliarse en función dos seus potenciais efectos sobre a saúde e a distribución destes na poboación sobre a que se actúa. O obxectivo xeral da AIS é ofrecerlles información quen toman as decisións sobre as implicacións na saúde que teñen as políticas que se van establecer, tendo en conta valores como a democracia, a equidade, o desenvolvemento sostible e o uso ético da evidencia. En outubro de 2012 impartiuse en Santiago de Compostela o curso Introdución á Avaliación do Impacto en Saúde, que tivo unha parte non presencial que se desenvolveu en liña, e cuxos resultados se presentan neste informe.

Boletín que trata de dar a coñecer aqueles artigos científicos recentes relacionados coa asistencia sanitaria, a urxencia e a emerxencia considerados de referencia para os profesionais sanitarios.

Informe editado en formato dixital que ten como obxectivo avaliar a efectividade/eficacia e seguridade da anxioplastia con balón liberador de fármacos en doentes con cardiopatía isquémica debida a estenose coronaria, tanto se é de novo coma se se trata dunha reestenose sucedida sobre un stent previo (metálico ou liberador de fármacos).

A Memoria da Oficina de Coordinación de Transplantes correspondente ao ano 2014 recolle a actividade da propia Oficina e dos hospitais galegos referida á doazón e transplante tanto de órganos coma de tecidos. Tamén se recollen os datos do programa de garantía de calidade na doazón e transplante e detállanse os centros autorizados para a extracción e o implante de órganos e tecidos e os establecementos de tecidos.
En canto á Oficina, descríbense as actividades que desenvolveu, así como os obxectivos para o vindeiro ano.

Libro de preguntas e respostas arredor da doazón e os transplantes para informar a poboación e resolver as dúbidas máis frecuentes que se poden plantexar sobre a doazón de órganos e tecidos. Envíase un exemplar a cada persoa que solicita o carné de doador de órganos e tamén se distribúe nas mesas informativas e nas charlas que se imparten nos institutos aos alumnos de secundaria e ciclos formativos. Edición bilingüe.