Catálogo

Teoría y práctica del desierto propón un percorrido polos procesos de traballo de Antoni Socías (Inca, Mallorca, 1955), vinculando, desde a fricción, fotografía e pintura, obxecto, instalación e vídeo. As súas obras revelan unha predilección polos paradoxos e tamén polo absurdo que sutilmente se converte nunha larvada crítica social e política desde as pequenas cousas; subliña a importancia das actitudes no día a día. Na súa obra, os procesos e as metodoloxías de traballo asumen unha importancia radical. Neste sentido, moitas das súas creacións teñen algo de performance e comparten unha dinámica de escenificación seriada na que, a partir do autorretrato, abórdase a crítica social desde os resortes dun absurdo rigoroso.

Catálogo de arte onde se recolle a traxectoria do pintor Antón Sobral. Inclúe unha serie de obras e textos biográficos.

Obra coeditada pola Consellería de Cultura, Educación e O. U. - Secretaría Xeral de Cultura e mais pola Universidade de Santiago de Compostela, centrada na figura dun dos nomes clave para comprendermos a presenza musical de Galicia na Arxentina, a través da comunidade galega asentada alá.

Guía ilustrada con textos e imaxes en cor sobre a exposición "O calendario agrícola".

O termo carpintaría de ribeira emprégase para definir a actividad: o propio oficio de construción de embarcacións de madeira realizado polos carpinteiros de ribeira; pero tamén se usa para referirse á propia instalación: lugar ou edificación determinada onde se desenvolve o oficio de construír embarcacións de madeira. Por conseguinte, o seu plural, as carpinterías de ribeira, sempre fai referencia ao conxunto de edificacións tradicionais que se dedicaban ou ainda se dedican á construción e reparación de embarcacións de madeira, materia sobre a que trata esta publicación .
Nun primeiro momento, o carpinteiro de ribeira non tiña un lugar determinado nin unha instalación onde construir a embarcación. Posteriormente inclínase pola construción das suas propias edificacións e crea instalacións de madeira. Como resultado xurdiron numerosas edificacións tradicionais, para abeirar a construción de embarcacións de madeira, que posúen características comúns ao longo da costa galega, obxecto da tese de doutoramento base desta publicación .
En vista do seu estado de desaparición, débese reflexionar sobre a capacidade de recuperación destas arquitecturas do litoral, para evitar a perda da súa atmosfera característica e, xa que logo, da propia edificación.

Obra que ten por obxecto destacar as liñas fundamentais dunha institución xurídico-administrativa - tal e como foi cualificada polo TS- cuxa configuración no ordenamento español se esgotase desde distintas normas de diverso rango e carácter. Trátase da conservación do patrimonio urbanístico-arquitectónico ou, dito noutros termos, do patrimonio ordinario das nosas cidades, inxustificadamente abandonado en favor do patrimonio monumental, completamente tratado pola doutrina científica. Un estudo cuxo orixe se remonta á cidade clásica romana e ao máis sabio dos arquitectos antigos, Vitrubio, e os seus principios da boa edificación. A súa nota de influencia e aplicación na conservación das cidades proxéctase no momento actual no dereito urbanístico e no dereito da edificación.

Segunda entrega do cobizoso proxecto que lle ofrece ao público a obra completa de Juan Montes, un dos representantes de maior poder creativo da música culta galega. A empresa desenvólvese coa garantía dun musicólogo de tan gran compromiso co noso patrimonio como é o padre Calo, quen, á parte de preparar a edición, achega un magnífico estudo introdutorio, no que refire con todo detalle os avatares que conduciron á creación das partituras que este volume fornece.

Terceira entrega do cobizoso proxecto que vai ofrecer ao público a obra completa de Juan Montes, un dos representantes de maior poder creativo da música culta galega. A empresa desenvólvese coa garantía dun musicólogo de tan gran compromiso co noso patrimonio como é o padre Calo, quen, á parte de preparar a edición, achega un magnífico estudo introdutorio, no que refire con todo detalle os avatares que conduciron á creación das partituras que este volume fornece.

Cuarta entrega do cobizoso proxecto que vai ofrecer ao público a obra completa de Juan Montes, un dos representantes de maior poder creativo da música culta galega. A empresa desenvólvese coa garantía dun musicólogo de tan gran compromiso co noso patrimonio como é o padre Calo, quen, á parte de preparar a edición, achega un magnífico estudo introdutorio, no que refire con todo detalle os avatares que conduciron á creación das partituras que este volume fornece.

Entre o despuntar de Atlántica e o xurdir da Facultade de Belas Artes de Pontevedra desenvólvese en Galicia o traballo dunha importante nómina de artistas de moi diferente procedencia académica e cos máis diversos horizontes estéticos e conceptuais. Nesa paréntese fecunda, loitarán por ampliar a visibilidade da súa obra en condicións adversas nunha sorte de terra de ninguén na que sempre será dificultuso atopar sinais de orientación e referencia. Arranca entón una apaixonante diversidade de propostas e de nomes (por fin abundantes nomes de muller), tamén moi crecente en número, se a comparamos coa xeración anterior. Esa apaixonante diferenza tivo un constituínte común, que non era outro ca a autoconciencia do feito artístico e da incontrolable contaminación de linguaxes. Foron as súas rupturas da representación.

Publicación ideada en 2013, durante a preparación da mostra individual Clearblueskydeepdarkwater, de Grahan Gussin, no Centro Galego de Arte Contemporánea. O comisario da exposición e daquela director do CGAC, Miguel von Hafe Pérez, e o propio Gussin convidaron un conxunto de críticos e outros profesionais do mundo da arte, dalgún xeito vencellados coa traxectoria do artista, a escribiren sobre a súa obra ou sobre algún aspecto concreto do seu traballo. O resultado foi esta colaxe de impresións, reflexións e propostas, que nos devolve un retrato fiel do artista e un percorrido polos temas fundamentais do seu universo creativo.
Graham Gussin (Londres, 1960) utiliza unha gran diversidade de medios para explotar a nosa percepción do tempo, do espazo e da escala. As súas obras adoitan manipular e apropiarse de imaxes e narracións literarias extraídas da historia da arte, da cultura popular e, sobre todo, do cine.

Nos inicios do Movemento Abstracto, nas décadas do cincuenta e sesenta, os artistas Molezún, Mampaso, Labra e Caruncho teñen una presenza moi activa no seu desenvolvemento. O catálogo desta exposición afonda nese período de grande interese para a arte galega contemporánea. Por medio de escritos e textos de historiadores e críticos, e a selección de obras, analízase a traxectoria dos artistas relacionados no contexto histórico 1950/1970.