Folleto que informa verbo da prevención de riscos laborais e as boas prácticas que se deben observar na estracción de recursos específicos da pesca, entendidos estes como aquelas especies marisqueiras que requiren dun sistema de xestión específico no referente ás súas características biolóxicas, extracción e comercialización.
Boletín de periodicidade trimestral que nace cun dobre obxectivo: ser punto de referencia na responsabilidade social empresarial para as organizacións galegas do territorio e dar visibilidade a todas aquelas accións que supoñan un impulso para facer real a RSE en Galicia.
Memoria que con carácter anual edita a Consellería de Traballo e Benestar coas actuacións máis salientables da consellería no ano en curso. A publicación estrutúrase en tantos capítulos como ámbitos de actuación abrangue, agás o primeiro capítulo, no que se analizan temas de carácter máis transversal, como estrutura orgánica, competencias, publicacións e estatísticas etc.
Boletín de periodicidade trimestral que nace cun dobre obxectivo: ser punto de referencia na responsabilidade social empresarial para as organizacións galegas do territorio e dar visibilidade a todas aquelas accións que supoñan un impulso para facer realidade a RSE en Galicia.
Datos estatísticos da execución das medidas impostas polos xulgados de menores, relativos a 2014. A información estrutúrase en 5 bloques: medidas notificadas polos xulgados de menores, das medidas en execución, das medidas pendentes de execución, datos sobre as persoas menores que estiveron executando medidas (idade, procedencia e lugar de residencia) e un anexo.
Cartel divulgativo sobre a importancia da utilización do chaleco salvavidas: motivos para utilizalo, uso axeitado, colocación, utilización en cuberta, almacenamento e mantemento.
Actualización do informe anual da tuberculose, editado anualmente polo Programa Galego de Prevención e Control da tuberculose, con datos avaliados para o ano 2013, e evolución do período 1986 ata 2013.
Esta guía describe os tratamentos fitosanitarios destinados a protexer o castiñeiro da avespa chinesa (Dryocosmus kuriphilus).
Publicación que presenta a actividade global desenvolvida pola Fundación Pública Urxencias Sanitarias de Galicia-061 no ano 2013, xunto cos datos de actividade das áreas de Xestión Asistencial, Coordinación, Centro de Formación en Medicina de Urxencias, Emerxencias e Catástrofes de Galicia, Gabinete de prensa, Calidade, Servizo de Sistemas e Tecnoloxías da Información e Servizo de Atención ao Usuario.
Esta guía describe o Programa galego de detección precoz do cancro de mama: obxectivo xeral, obxectivos específicos, poboación, proba de cribo, sistema de información, estrutura asistencial, programa de garantía de calidade e os principais resultados e indicadores do período 1992-2012.
A escola considérase unha área estratéxica clave para fomentar e consolidar habilidades en todos os ámbitos do desenvolvemento e do autocoidado da saúde, se se orienta o alumnado cara a acadar hábitos saudables desde etapas precoces da vida. Considerouse necesaria a elaboración desta guía, cuxo obxectivo é contribuír a mellorar a calidade nutricional dos menús escolares ofertados nos centros educativos. Pretende ser un instrumento de apoio para os responsables do menú escolar. Nela menciónanse consellos, suxestións prácticas, ideas e fotografías de pratos, racións e menús completos para dirixir a oferta alimentaria do menú cara a programacións cunha calidade nutricional óptima, de acordo coas recomendacións actuais das sociedades científicas para a alimentación nestas etapas da vida.
Libro sobre preguntas e respostas arredor da doazón e os transplantes para informar a poboación e resolver as dúbidas máis frecuentes que se poden formular sobre a doazón de órganos e tecidos. Envíase un exemplar a cada persoa que solicita o carné de doador de órganos e tamén se distribúe nas mesas informativas e nas charlas que se imparten nos institutos ao alumnado de secundaria e ciclos formativos.
