Catálogo

Esta estratexia ten como principal obxectivo dar unha serie de recomendacións para orientar a organización e funcionamento dos diferentes servizos (sociais, sanitarios e educativos) cara unha mellora das condicións de vida das persoas en termos de saúde e autonomía persoal. O documento estrutúrase en 3 capítulos: diagnóstico da situación, estratexia e a súa implantación en termos económicos. Engádense tamén anexos que informan sobre a metodoloxía utilizada, grupos de investigación participantes, bibliografía e índices de gráficos e táboas.

Manual de calidade adoptado polo Consorcio Galego de Servizos de Igualdade e Benestar (CGSIB) como vehículo de expresión do seu compromiso coa mellora continua da calidade na prestación dos servizos públicos para persoas maiores e dependentes. Acompaña a publicación un CD-Rom cos seguintes documentos:
Anexo1: Norma UNE_EN ISO 9001:2008
Anexo 2: Manual técnico SSCC rev6
Anexo 3: Manual técnico Centros rev 2

Esta publicación proporciona un coñecemento do sector da dependencia no mercado laboral na comunidade autónoma galega. Aportando datos de afiliación, paro rexistrado e contratación por sectores de actividades e ocupacións.

Este documento é un resumo do seguimento do Plan de discapacidade 2010-2013 que se fixo do ano 2011.

A demanda de coidados para persoas con condicións de saúde que supoñen situacións de especial vulnerabilidade foise incrementando nos últimos anos. A previsión é que esta tendencia siga medrando durante as próximas décadas, por mor de factores como a alta porcentaxe de envellecemento, o incremento da esperanza de vida e as doenzas de natureza crónico-dexenerativa.Está dirixido a coidadores do contorno familiar de persoas en situación de dependencia con enfermidades crónicas e contempla o desenvolvemento de todas as áreas de intervención incidindo especialmente nunha tripla vertente: coñecementos, adestramentos en habilidades e desenvolvemento de actitudes adecuadas. Destacan os seguintes contidos: enfermidades cardiovasculares, accidentes cerebrovasculares, atención á enfermidade pulmonar obstrutiva crónica e como actuar ante situacións de emerxencia.

Operación estatística extraída da información facilitada polos propios interesados sobre outorgamento ou renovación dos títulos de familia numerosa entre o 1 de xaneiro e o 31 de decembro do ano en curso. Informa así mesmo, sobre a normativa aplicable e os requisitos que se deberán cumprir para o recoñecemento da condición de familia numerosa.

Trátase dun documento no que se recollen os protocolos de actuación para os diferentes axentes que interveñen nas situacións de presunto maltrato de persoas maiores ou adultas con discapacidade.

Recompilación de todas as axudas, programas e servizos existentes e vixentes neste ano, tanto a nivel autonómico como estatal, que poden beneficiar a familia ou algún membro da mesma polo feito de pertencer a esa unidade familiar.

Memoria que con carácter anual edita a Consellería de Traballo e Benestar coas actuacións máis salientables da consellería no ano en curso.
A publicación estrutúrase en tantos capítulos como ámbitos de actuación abarca a excepción do primeiro capítulo no que se analizan temas de carácter máis transversal como estrutura orgánica, competencias, publicacións e estatísticas, etc.

Publicación elaborada por persoas do Módulo Nelson Mandela do Centro Penitenciario de Teixeiro. Repártese entre o persoal do centro e participantes e potenciais participantes no II Plan Galego de Inclusión Social.

Manual dirixido a coidadores do contorno familiar que abrangue o desenvolvemento de todas as áreas de intervención pertinentes e incide na tripla vertente: coñecementos, adestramento en habilidades e desenvolvemento de actitudes axeitadas. Os contidos son: a promoción da autonomía persoal e a atención as situacións de dependencia na súa dobre dimensión individual e social, a dimensión sociosanitaria da enfermidade mental, técnicas para mellorar a comunicación coa persoa con enfermidade mental, manexo e afrontamento de condutas difíciles, o coidado do coidador e aspectos éticos a ter en conta (a preservación da autonomía persoal).

Manual dirixido a coidadores do contorno familiar que abrangue o desenvolvemento de todas as áreas de intervención pertinentes e incide na tripla vertente: coñecementos, adestramento en habilidades e desenvolvemento de actitudes axeitadas. Os contidos son: a promoción da autonomía persoal e a atención as situacións de dependencia na súa dobre dimensión individual e social, a dimensión sociosanitaria da enfermidade mental, técnicas para mellorar a comunicación coa persoa con enfermidade mental, manexo e afrontamento de condutas difíciles, o coidado do coidador e aspectos éticos a ter en conta (a preservación da autonomía persoal).