Traballo de investigación, froito da colaboración entre a Universidade de Santiago de Compostela e a Consellería de Traballo e Benestar, que se converte nun referente para todas aquelas persoas que queiran coñecer a realidade actual do cooperativismo galego e a súa máis recente evolución a partir do Libro branco do cooperativismo en Galicia.
Publicación de periodicidade anual dedicada á estatística descritiva da sinistralidade laboral en Galicia. Elabórase coa información obtida dos partes de accidentes de traballo e enfermidades profesionais notificados á autoridade laboral galega. A explotación estatística realízase clasificando os accidentes segundo o grao da lesión e outras variables como sectores de actividade, natureza da lesión, etc. Tamén se ten en conta os accidentes de traballo con baixa en xornada laboral, indicándose de xeito separado, o número de accidentes in itínere. A información agrúpase en cinco epígrafes: Accidentes de traballo con baixa, Accidentes de traballo mortais, Enfermidades profesionais, Variación interanual dos accidentes con baixa en xornada de traballo nos últimos dez anos, ndices de incidencia
Publicación periódica mensual na que se recollen novas sobre as actuacións máis salientables da Xunta de Galicia nos eidos laboral e do benestar. Acompaña á publicación unha recompilación normativa de lexislación relacionada con estes ámbitos de carácter autonómico (DOG e diarios das restantes comunidades autónomas), estatal (BOE) e comunitario (DOUE). Tamén se dá unha relación das publicacións editadas en rede cos seus enlaces para a súa descarga.
Esta estratexia ten como principal obxectivo dar unha serie de recomendacións para orientar a organización e funcionamento dos diferentes servizos (sociais, sanitarios e educativos) cara unha mellora das condicións de vida das persoas en termos de saúde e autonomía persoal. O documento estrutúrase en 3 capítulos: diagnóstico da situación, estratexia e a súa implantación en termos económicos. Engádense tamén anexos que informan sobre a metodoloxía utilizada, grupos de investigación participantes, bibliografía e índices de gráficos e táboas.
Esta publicación proporciona un coñecemento sobre as variables básicas que determinan a estrutura do mercado laboral dos colectivos: mulleres traballadoras, menores de 30 anos, maiores de 54 anos e estranxeiros, co obxecto de que sirva de fundamento para a instrumentación de políticas orientadas á mellora da situación do mercado de traballo.
Selección das disposicións normativas máis salientables no eido laboral e do benestar elaboradas por esta consellería e publicadas ao longo dun ano no Diario Oficial de Galicia (DOG). Trátase dunha publicación dinámica con acceso á norma concreta en distintos formatos (PDF e HTML)
Nesta primeira folla de prevención indícanse os conceptos, referencias normativas e aspectos máis destacados para as comprobacións e revisións a efectuar aos accesorios de elevación de cargas.
Esta publicación proporciona un coñecemento sobre as variables básicas que determinan a estrutura do mercado laboral da Comunidade Autónoma Galega (ámbito autonómico e desagregado por provincias) co obxecto de que sirva de fundamento para a instrumentación de políticas públicas orientadas á mellora da situación do mercado de traballo.
Esta publicación proporciona un coñecemento sobre as variables básicas que determinan a estrutura do mercado laboral da Comunidade Autónoma Galega (ámbito autonómico e desagregado por provincias) co obxecto de que sirva de fundamento para a instrumentación de políticas públicas orientadas á mellora da situación do mercado de traballo.
DVD explicativo dos riscos e medidas preventivas que hai que ter en conta na actividade do cultivo e recollida do mexillón.
DVD explicativo dos riscos e medidas preventivas que hai que ter en conta na actividade de colleita de recursos específicos en mergullo.
O ISSGA ten entre as súas funcións a elaboración dunha memoria anual das súas actividades que presenta ante o Parlamento de Galicia para os efectos de control deste organismo.
A memoria, coas actuación máis destacadas levadas a cabo no ano en curso estrutúrase en sete puntos: a estrutura e organización, os recursos, a actividade institucional, as relacións con outros organismos, a actuación técnica, o directorio e os anexos.
