Documento estratéxico que ten como obxectivo mellorar a calidade asistencial da atención que se presta aos/ás pacientes no ámbito de atención primaria, así como as condicións de traballo dos/as profesionais dese nivel asistencial.
A Fundación Ingada e a Consellería de Política Social presentan o número 3 da colección Convivir co TDAH, que incide en como afectan as vacacións extraescolares nas familias con fillos con trastorno de déficit de atención e hiperactividade (TDAH) e como o abandono dos horarios e da rutina escolar os afecta de maneira especial na relación cos seus familiares e coidadores.
A publicación informa sobre os problemas que se poden presentar e dá pautas de comportamento que axudan a equilibrar os tempos de lecer sen renunciar ás rutinas básicas e similares ás do resto do ano.
O boletín de actualizacións bibliográficas en urxencias prehospitalarias é una publicación trimestral editada pola Fundación Pública Urxencias Sanitarias de Galicia-061 na cal se recompila unha selección dos artigos máis relevantes na atención ás urxencias no medio extrahospitalario.
Boletín en que se presentan as últimas novidades sobre a atención á urxencia e á emerxencia no ámbito extrahospitalario.
Informe do modelo organizativo do Programa de detección precoz do cancro colorrectal e principais resultados desde o inicio en 2013 ata o ano 2017.
O Programa de vixilancia sanitaria das zonas de baño realízase na Comunidade Autónoma de Galicia desde o ano 1983. Este programa lévano a cabo todas as comunidades autónomas, coordinado polo Ministerio de Sanidade e Consumo (hoxe Ministerio de Sanidade, Consumo e Benestar) desde o ano 1998. Na nosa comunidade autónoma a temporada de baño establécese, en función das condicións climatolóxicas, desde o 1 de xuño ata o 30 de setembro, ben que a primeira recolla de mostras se realiza na segunda quincena de maio. As mostraxes realízanse cunha frecuencia quincenal, de tal modo que ao final da temporada téñense, polo menos, 8 controis, que son os necesarios para calcular a clasificación sanitaria das zonas de baño.
Actualización do informe anual da tuberculose, editado anualmente polo Programa galego de prevención e control da tuberculose, con datos do ano 2017 e evolución do período 1996-2017.
Publicación do equipo de Inclusión do Centro Penitenciario de Teixeiro destinada á distribución no propio centro penitenciario, entre participantes e potenciais participantes no II Plan Galego de Inclusión Social.
Publicación que recolle as actividades desenvolvidas durante a xornada anual que organiza o Consello de Bioética de Galicia: os relatorios de inauguración e presentación, conferencias de apertura e de clausura, a presentación do documento estratéxico "Ética, vulnerabilidade e ancianidade" elaborado polo propio Consello, os relatorios das mesas redondas e contidos dos pósters presentados. A publicación conta con soporte audiovisual.
Resumo das principais actividades levadas a cabo polo persoal da Dirección Xeral de Saúde Pública nos anos 2016 e 2017
O obxectivo deste documento é difundir o proxecto de biblioterapia entre pacientes e público en xeral. Este proxecto xurdiu durante unha colaboración da Consellería de Sanidade con pacientes afectados por depresión e as súas familias. Con este punto de partida, a Axencia Galega para a Xestión do Coñecemento en Saúde comezou a traballar na articulación dunha iniciativa para revisar a evidencia científica dispoñible sobre o uso dos libros con fins terapéuticos e na implementación do proxecto
O obxectivo desta publicación é poñer en marcha un proxecto de biblioterapia que xurdiu durante unha colaboración da Consellería de Sanidade con pacientes afectados por depresión e as súas familias. Con este punto de partida, a Axencia de Coñecemento en Saúde (ACIS) comezou a traballar na articulación dunha iniciativa para revisar a evidencia científica dispoñible sobre o uso dos libros con fins terapéuticos e na implementación do proxecto.
