Catálogo

Resumo da actividade asistencial, administrativa, docente e investigadora así como a súa estrutura.

Resumo da actividade asistencial, administrativa, docente e investigadora, así como a súa estrutura.

Informe de datos estatísticos sociolaborais referidos ao ano 2023.

Ciencia parece pero non é recolle unha serie de artigos breves correspondentes ás charlas de divulgación do ciclo de cultura científica da Consellería de Cultura, Educación, FP e Universidades para o ano 2023.

As enfermidades cardiovasculares constitúen a primeira causa de morte en Occidente e son responsables de catro millóns de mortes ao ano en Europa. O presente proceso asistencial ten como obxectivo reducir o impacto da cardiopatía isquémica. Este documento debuxa por primeira vez de forma integral o proceso asistencial da cardiopatía isquémica, desde a prevención primaria; o estudo da dor torácica, a síndrome coronaria aguda, os programas de rehabilitación cardíaca e prevención secundaria e a síndrome coronaria crónica. En cada unha das fases do proceso introdúcese a secuencia de actividades, as probas complementarias e os tratamentos, de xeito que facilite a consulta rápida e a actualización do coñecemento.

As técnicas de imaxe cardíaca (Timaxc) experimentaron un grande avance nas últimas décadas. O seu uso no proceso diagnóstico e na toma de decisións terapéuticas con relación ás diferentes patoloxías cardiovasculares creceu de forma exponencial e leva, en ocasións, a un abuso con relación á súa indicación. Co fin de tentar organizar a utilización das Timaxc, as sociedades científicas elaboraron recomendacións de uso apropiado destas. Ademais, nas guías de práctica clínica (GPC) de cada patoloxía recóllese un apartado con relación ao diagnóstico e indícase que técnica se debe de utilizar en cada momento do proceso asistencial e a periodicidade do seu uso. O anteriormente mencionado, unido á tendencia para facer unha medicina defensiva e á crenza de que con máis probas de imaxe se consegue un mellor diagnóstico e tratamento do paciente, fai que sexa imprescindible organizar o uso das Timaxc en cada centro evitando un aumento progresivo do gasto, que pode facer insustentable un sistema sanitario.

Este documento céntrase na redacción da Estratexia para o fomento da xestión activa das masas de frondosas en Galicia, excluíndo o castiñeiro. Esta estratexia referirase ás frondosas autóctonas, aínda que no correspondente ao fomento de especies frondosas caducifolias de alto valor consideraranse híbridos ou especies foráneas.

A finalidade do libro é a transferencia de coñecemento e información ao sector cárnico de Galicia, que constitúe, sen dúbida, un dos eixes fundamentais de actuación do Centro Tecnolóxico da Carne (CTC).

Informar á poboación dos resultados do programa de vixilancia sanitaria das zonas de baño de Galicia, no ano 2023.

Apoiar e impulsar a creación de mesas locais de coordinación interinstitucional contra a violencia de xénero (en diante, MLC) nas entidades locais de Galicia, como instrumentos para optimizar a cooperación de todas as institucións e entidades implicadas na loita contra a violencia de xénero.

A través deste protocolo de actuación contra as violencias sexuais e LGBTIfóbicas nos establecementos de lecer nocturnos preténdese establecer unhas pautas preventivas e de actuación cando se produza algún tipo de violencia contra as mulleres ou as persoas LGBTI nos establecementos de lecer nocturnos dá Comunidade Autónoma de Galicia.

No Informe 2022 da Cooperación Galega dáse conta de todas as actuacións que se levaron a cabo ao longo do exercicio 2022, en cumprimento do Plan anual 2022 da Cooperación Galega, que foi aprobado polo Consello da Xunta de Galicia do 3 de febreiro de 2022, logo de recibir o informe favorable do Consello Galego de Cooperación para o Desenvolvemento na súa reunión plenaria do 20 de xaneiro, e de conformidade co previsto nos artigos 83.4 e 87.2 da Lei 10/2021, do 9 de marzo, reguladora da acción exterior e da cooperación para o desenvolvemento de Galicia.