Estratexia galega acuicultura : Guía para a realización de plans de vixilancia ambiental de cultivos mariños en gaiolas flotantes instaladas nas costas de Galicia

Esta guía pretende ser unha axuda á debida planificación da piscicultura mariña e unha ferramenta para que esta actividade poida ser sustentable co medio ambiente minimizando as posibles perturbacións. Para isto subminístranse criterios que poidan ser utilizados de modo obxectivo no momento de avaliar a elección do sitio dun cultivo actual ou futuro. O obxecto é conservar a uniformidade demandada na adaptación do Plan de Vixilancia Ambiental ministerial á realidade galega.