Publicación encadrada no proxecto europeo de Envellecemento activo, cofinanciado con fondos FEDER, no marco da segunda convocatoria do POCTEP 2007 - 2013 na que se analizan as necesidades, no ámbito cognitivo e físico, das persoas maiores de 65 anos que viven soas tanto no fogar como fóra del, con especial incidencia en Galicia pero tamén en Portugal.
Guía encadrada no proxecto europeo de Envellecemento activo, cofinanciado con fondos FEDER, no marco da segunda convocatoria do POCTEP 2007 - 2013 na que se identifican avances de tipo científico e tecnolóxico no campo da atención sociosanitaria. A información que recolle esta guía ten a súa base no traballo desenvolvido polo Comité transfronteirizo de expertos en prevención e detección precoz da dependencia.
Resulta, xa que logo, un documento de consulta que facilita a comprensión e o manexo dos novos avances científico-tecnolóxicos, tanto por parte dos/das profesionais do ámbito sociosanitario como por parte das persoas coidadoras e das persoas usuarias destas novas tecnoloxías (de 65 e máis anos)
Publicación coas actuacións máis salientables da consellería ao longo do ano 2012. Estrutúrase en 6 capítulos no que se desenvolven as distintas competencias que afectan a consellería no eido laboral e do benestar: familia e menores, dependencia, traballo e economía social, emprego e formación, xuventude e voluntariado, etc.
Publicación anual con información estatística sobre os menores en situación de desprotección e sobre adopcións.
Define as distintas figuras legais que protexen a situación de risco e desamparo: garda, tutela e acollemento, ben sexa familiar ou residencial.
Tamén define e analiza o proceso legal das adopcións, na súa doble vertiente, nacional e internacional.
Por último, describe os programas de apoio ás persoas menores e ás súas familias levadas a cabo polos servizos especializados de protección da infancia.
Esta guía serve de ferramenta de traballo para que os profesionaos e as familias coñezan os recursos dispoñibles en Galicia en canto o sistema de detección de maltrato, medidas de prevención, axudas ou sistemas de asesoramento e para atender a nenos en situación de especial vulnerabilidade.
Ferramenta de traballo para dar a coñecer a profesionais e familias os recursos dispoñibles en Galicia no sistema de detección de maltrato, medidas de prevención, axudas ou sistemas de asesoramento e para atender nenos en situación de especial vulnerabilidade.
Este curso, estruturado en cinco módulos, enmárcase dentro dunha política de envellecemento activo que pretende axudar a mellorar a calidade de vida daquelas persoas que se enfrontan á xubilación de forma activa e saudable.
O curso, de carácter eminentemente práctico, abarca aspectos tan diversos como a saúde física e mental, as novas tecnoloxías, o tempo libre e a participación social ou aspectos xurídicos e económicos. Trata, polo tanto, de proporcionar coñecementos e recursos útiles que redundan nunha mellora na calidade de vida e promoven a autonomía dos colectivos aos que vai destinado.
Operación estatística extraída da información facilitada polos propios interesados sobre outorgamento ou renovación dos títulos de familia numerosa entre o 1 de xaneiro e o 31 de decembro do ano en curso. Informa así mesmo, sobre a normativa aplicable e os requisitos que se deberán cumprir para o recoñecemento da condición de familia numerosa.
Esta estratexia ten como principal obxectivo dar unha serie de recomendacións para orientar a organización e funcionamento dos diferentes servizos (sociais, sanitarios e educativos) cara unha mellora das condicións de vida das persoas en termos de saúde e autonomía persoal. O documento estrutúrase en 3 capítulos: diagnóstico da situación, estratexia e a súa implantación en termos económicos. Engádense tamén anexos que informan sobre a metodoloxía utilizada, grupos de investigación participantes, bibliografía e índices de gráficos e táboas.
Obra en colaboración na que se reúnen todas as intervencións que con motivo da realización do Congreso Internacional sobre envellecemento activo organizado pola Secretaría Xeral de Política Social, tivo lugar na Coruña os días 15 e 16 de novembro de 2012. A publicación estrutúrase baixo 5 tipos de intervencións: Conferencias plenarias, Mesas redondas, Comunicacións, Obradoiros e Póster. Por tratarse dun recurso electrónico, a través de enlaces, accédese aos arquivos das presentacións.
Manual de calidade adoptado polo Consorcio Galego de Servizos de Igualdade e Benestar (CGSIB) como vehículo de expresión do seu compromiso coa mellora continua da calidade na prestación dos servizos públicos para persoas maiores e dependentes. Acompaña a publicación un CD-Rom cos seguintes documentos:
Anexo1: Norma UNE_EN ISO 9001:2008
Anexo 2: Manual técnico SSCC rev6
Anexo 3: Manual técnico Centros rev 2
Esta publicación proporciona un coñecemento do sector da dependencia no mercado laboral na comunidade autónoma galega. Aportando datos de afiliación, paro rexistrado e contratación por sectores de actividades e ocupacións.
