Publicación que recupera un importante material documental e epistolar entre dous persoeiros decisivos na historia literaria, cultural e sociopolítica da Galicia de aquén e alén mar na segunda metade do século XX. Consérvanse un total de sesenta e nove cartas cruzadas entre Piñeiro e Neira Vilas. O período que cobre esta correspondencia vai desde o 5 de xaneiro de 1959 ata xaneiro de 1990.
Obra do escritor Xosé Otero Espasandín, morto no exilio nos Estado Unidos, que recompila por primeira vez material de xornais e revistas, ao tempo que analiza as claves do seu quefacer lírico e a traxectoria biográfica do autor. Inclúe tamén a súa produción epistolar.
Guía de conversa en galego para visitantes de orixe francesa e alemá, para poderen achegarse ao galego dun xeito doado.
Guía de conversa para que visitantes de fala italiana e portuguesa se acheguen ao galego dun xeito doado.
Manual de conversa en galego, para que as persoas falantes de éuscaro e catalán que visitan Galicia se acheguen dun xeito doado á nosa lingua.
Publicación da obra gañadora da VII edición do premio Barriga Verde de textos para teatro de monicreques na súa modalidade infantil, coeditada pola AGADIC e Baía Edicións.
Obra producida polo Centro Dramático Galego en 2007 que conta a historia dunha rapaza, pequena aprendiz de pallasa, que para atopar o riso que perdera na escola emprende unha viaxe fantástica por distintos lugares, e que remata no circo, onde finalmente atopa o seu riso. Número infantil da colección Escena Aberta.
A Interpretación (re)considerada ofrece unha ampla panorámica sobre as máis recentes teorías da interpretación. Trátase do nº 3 da Serie Grandes Manuais, da colección Biblioteca de Teatro, coeditada pola AGADIC e Editorial Galaxia.
Obra coeditada pola AGADIC e Editorial Galaxia dentro da colección Biblioteca de Teatro, serie Manuais, na que o actor e director Clive Barker nos ofrece, como autor da publicación, a posibilidade de explorarmos e comprendermos os procesos polos que os intérpretes desenvolven o traballo actoral. Os xogos e actividades recollidos neste manual teñen como finalidade que calquera poersoa vinculada coa interpretación teatral poida desenvolver a súa técnica sen inhibicións nin artificios.
Volume divulgativo sobre a aventura artística de Roberto Vidal Bolaño, que reinvindica o valor do autor. Reconstrúe a súa carreira e cataloga e clasifica as súas obras; avanza, así mesmo, unha lectura temática dos proxectos en que empeñou a súa vida, desde a primeira superprodución plenamente galega, Agasallo de sombras.
Obra de Xavier Lama gañadora da V Edición do Premio Manuel María de literatura dramática infantil, coeditada con Edicións Xerais de Galicia dentro dá colección Biblioteca Dramática Galega.
Obra coeditada pola AGADIC e Edicións Xerais de Galicia dentro da colección Biblioteca Dramática Galega, galardoada co VI premio Manuel María de Literatura Dramática Infantil, edición 2011. En O refugallo, a autora, Paula Carballeira, fálanos da capacidade de fabulación que nos fai transformar a realidade, recreala e reinventala, como o mesmo teatro, que lles dá vida a obxectos e personaxes que ata o momento da representación non existían para o público.
