Plan de asistencia ao ictus en Galicia

O Programa de asistencia ao ictus en Galicia (Plan ictus), ao nivel de toda a nosa comunidade autónoma, permitirá unha atención de calidade, homoxénea e rápida e baseada na coordinación.
O obxectivo é que ás persoas pacientes con sospeita de ictus isquémico -independentemente do lugar no que se atope dentro do territorio da nosa Comunidade Autónoma- se lles realice unha exploración radiolóxica para confirmar o diagnóstico o antes posible e poder aplicar o tratamento máis axeitado, conforme ás recomendacións e tempos establecidos.