Libro sobre preguntas e respostas arredor da doazón e os transplantes para informar a poboación e resolver as dúbidas máis frecuentes que se poden formular sobre a doazón de órganos e tecidos. Envíase un exemplar a cada persoa que solicita o carné de doador de órganos e tamén se distribúe nas mesas informativas e nas charlas que se imparten nos institutos ao alumnado de secundaria e ciclos formativos.
Boletín de periodicidade trimestral que nace cun dobre obxectivo: ser punto de referencia na responsabilidade social empresarial para as organizacións galegas do territorio e dar visibilidade a todas aquelas accións que supoñan un impulso para facer real a RSE en Galicia.
Exposición que mostra unha colección de imaxes recuperadas sobre os cines galegos, algún deles en perigo de desaparecer. O traballo, do fotógrafo Manuel Sendón, é tamén un testemuño da súa liña creativa.
Publicación na que se dá a coñecer unha colección privada inédita de fotografías realizadas entre 1890 e 1950, e que pertenceron a Arthur Ginnings, misioneiro protestante británico, que viviu durante 40 anos na localidade de Ares, tentando difundir na zona a idea evanxélica. Esta colección constitúe un importante arquivo documental para o coñecemento da implantación e posterior evolución das comunidades evanxélicas en Galicia e, asemade, constitúe un referente de interese desde o punto de vista etnográfico, xa que contén interesantes imaxes inéditas de monumentos, espazos naturais e persoas, tanto de Galicia coma de España, tomadas por fotógrafos afeccionados e anónimos.
A orde das primeiras cousas é o catálogo da exposición do mesmo título organizada polo Centro Galego de Arte Contemporánea no inverno de 2015.
Desde os seus inicios, a obra de Carlos León (Ceuta, 1947) evidenciouse coma unha das propostas fundamentais para comprender o proceso de ruptura que, operando desde o corazón mesmo da pintura, derivou as prácticas pictóricas cara a unha creba consciente do réxime de visibilidade e abriunas ao espazo baleiro dunha expresividade que extraviou o suxeito dos seus requirimentos, unha expresividade que traza -no plano desolado en que deveu o cadro- os rastros desa gozosa procura. Ademais dos textos de Fernando Castro Flórez e do propio artista, o catálogo inclúe unha introdución asinada polos comisarios da mostra, Ángel Cerviño e Alberto González-Alegre, e unha entrevista con Carlos León.
Documento estratéxico concibido como folla de ruta para hospitais e centros de saúde do Sergas a partir de 2015.
Publicación en disco electrónico compacto que recolle os objetivos de la Guía de práctica clínica sobre el manejo de la depresión en el ámbito de la atención primaria y hospitalaria del Sistema Nacional de Salud; ofrece, así mesmo, recomendaciones actualizadas al profesional sanitario para la atención a los pacientes con depresión.
Documento no que se define paso por paso o proceso que debe seguir o diagnóstico, tratamento e seguimento de todas as persoas doentes con sospeita de fibrilación auricular na Xerencia de Xestión Integrada de Santiago de Compostela.
Froito do consenso entre profesionais de sete especialidades diferentes: Cardioloxía, Medicina Interna, Neuroloxía, Urxencias, Medicina de Familia, Farmacia e Hematoloxía, o obxectivo é introducir vías, con circuítos e actividades definidos polos que o proceso discorra de xeito fluido.
A fibrilación auricular constitúe o terceiro motivo de visita á área cardiovascular da XXI de Santiago, xa que representa o 13% das consultas. É tamén un importante motivo de demanda asistencial no Servizo de Urxencias de Compostela.
Boletín en liña no que se presenta o novo medicamento NALMEFENO, indicado para a redución do consumo de alcol en pacientes adultos con dependencia e que presentan un nivel de consumo de risco (NCR) alto, sen síntomas de abstinencia físicos e que non requiren unha desintoxicación inmediata. Usarase como apoio á psicoterapia en pacientes con dependencia de alcol para reducir de maneira substancial o nivel de inxesta,
Boletín que presenta a avaliación da eficacia e seguridade do MIRABEGRÓN, novo fármaco indicado no tratamento dos síntomas asociados á síndrome de vexiga hiperactiva.
Edición da reprodución facsimilar do exemplar conservado no ARG da Reseña de la Causa formada en el juzgado de Allariz distrito de La Coruña contra Manuel Blanco Romasanta, el hombre lobo, por varios asesinatos... publicada en 1859, xunto coa copia dixital do expediente xudicial orixinal que figura no Arquivo do Reino de Galicia.
A obra consta dun volume coa reprodución da Reseña e os estudos, e un CD coa copia da causa criminal.
Publicación que recompila o traballo realizado polo artista Joan Morey no contexto de Proxecto-Edición. A triloxía de perfomances realizadas no CGAC baixo o título "OBEY, Humillados & Ofendidos" explora temas relacionados coa práctica artística e o papel da persoa creadora, para pescudar verbo das sombras do pesimismo e do tremendo; do que reduce o ser humano á involución de estar sumido nunha impotencia aprendida.Invisibilidade e interrogación combínanse para ofrecer un proxecto fecundo en equívocos, no que aparece un artista máis digresivo ca discursivo, en consonancia coa poética da desolación que caracteriza os seus últimos traballos. A partir de intrincadas estruturas narrativas sobre a degradación, a perda e o baleiro, saltos no tempo e no espazo e reiterada desorde temporal, o que quedará é o núcleo inescrutable que transmite a súa obra: o fracaso.
