Catálogo

Estudo sobre a Galicia do Antigo Réxime que analiza polo miúdo unha época en que a comunidade galega contaba cun mapa administrativo moi fragmentado e complexo, con sete provincias divididas en incontables xurisdicións, concellos e partidos. Este traballo presenta desde unha óptica multidisciplinar as particularidades máis destacables das vilas de Muros, Noia e Corcubión durante o citado período histórico. O estudo pon de relevo aquelas características comúns a todos estes territorios –emanadas do seu carácter urbano, marítimo-portuario, señorial e galaico- así como as diferencias existentes entre elas, facendo fincapé na pluralidade do fenómeno municipal do noroeste peninsular. Este traballo resultou premiado na XX edición do Premio Manuel Colmeiro organizado pola Escola Galega de Administración Pública.

Número dez da revista científica Ad Limina, de carácter interdisciplinar e internacional, multilingüe, de investigación sobre o Camiño de Santiago e o fenómeno das peregrinacións.

Documento estratéxico que ten como obxectivo mellorar a calidade asistencial da atención que se presta aos/ás pacientes no ámbito de atención primaria, así como as condicións de traballo dos/as profesionais dese nivel asistencial.

A Fundación Ingada e a Consellería de Política Social presentan o número 3 da colección Convivir co TDAH, que incide en como afectan as vacacións extraescolares nas familias con fillos con trastorno de déficit de atención e hiperactividade (TDAH) e como o abandono dos horarios e da rutina escolar os afecta de maneira especial na relación cos seus familiares e coidadores.
A publicación informa sobre os problemas que se poden presentar e dá pautas de comportamento que axudan a equilibrar os tempos de lecer sen renunciar ás rutinas básicas e similares ás do resto do ano.

O Programa de vixilancia sanitaria das zonas de baño realízase na Comunidade Autónoma de Galicia desde o ano 1983. Este programa lévano a cabo todas as comunidades autónomas, coordinado polo Ministerio de Sanidade e Consumo (hoxe Ministerio de Sanidade, Consumo e Benestar) desde o ano 1998. Na nosa comunidade autónoma a temporada de baño establécese, en función das condicións climatolóxicas, desde o 1 de xuño ata o 30 de setembro, ben que a primeira recolla de mostras se realiza na segunda quincena de maio. As mostraxes realízanse cunha frecuencia quincenal, de tal modo que ao final da temporada téñense, polo menos, 8 controis, que son os necesarios para calcular a clasificación sanitaria das zonas de baño.

O obxectivo deste documento é avaliar, mediante revisión sistemática, a efectividade e seguridade do PET cerebral de amiloide no diagnóstico do deterioro cognitivo, enfermidade de Alzheimer ou outras demencias, así como o seu impacto no manexo diagnóstico e terapéutico destes pacientes.

O cancro de tiroides desenvólvese nos tecidos da glándula tiroides. O tratamento estándar é a cirurxía; con todo, en pacientes con altos riscos cirúrxicos (pacientes deteriorados ou con varias intervencións) ou que non queren operarse, deben buscarse outras alternativas. Os procedementos minimamente invasivos como son a ablación por láser (LITT: láser intersticial terapia tumoral) ou a ablación por radiofrecuencia (RF) poden ser unha das alternativas. O obxectivo deste informe é avaliar, mediante revisión sistemática, o tratamento do cancro recorrente de tiroides mediante ablación por láser ou radiofrecuencia en relación coa súa efectividade e seguridade fronte á cirurxía como terapia estándar.

O boletín de actualizacións bibliográficas en urxencias prehospitalarias é una publicación trimestral editada pola Fundación Pública Urxencias Sanitarias de Galicia-061 na cal se recompila unha selección dos artigos máis relevantes na atención ás urxencias no medio extrahospitalario.

Boletín en que se presentan as últimas novidades sobre a atención á urxencia e á emerxencia no ámbito extrahospitalario.

O obxectivo deste documento é poñer en marcha un proxecto de biblioterapia que xurdiu durante unha colaboración da Consellería de Sanidade con pacientes afectados por depresión e as súas familias. Con este punto de partida, a Axencia de Coñecemento en Saúde (ACIS) comezou a traballar na articulación dunha iniciativa para revisar a evidencia científica dispoñible sobre o uso dos libros con fins terapéuticos e na implementación do proxecto.

O obxectivo deste documento é poñer en marcha un proxecto de biblioterapia que xurdiu durante una colaboración da Consellería de Sanidade con pacientes afectados por depresión e as súas familias. Con este punto de partida, a Axencia Galega para a Xestión do Coñecemento en Saúde (ACIS) comezou a traballar na articulación dunha iniciativa para revisar a evidencia científica dispoñible sobre o uso dos libros con fins terapéuticos e na implementación do proxecto

Aínda que menos coñecido polo público que o seu perfil como violinista e como compositor, a dimensión de Andrés Gaos como pianista é un testemuño imprescindible á hora de calibrar a sólida formación do mestre coruñés. Aires galegos e Novos aires galegos son dúas coleccións de pezas breves para piano, de factura sinxela tanto en estrutura como na esencia compositiva. Da súa música despréndese o desexo de evocar as sonoridades, as danzas, as paisaxes, os sentimentos e as lembranzas da patria afastada por medios de ritmos e melodías tomados unhas veces do noso folclore e, outras, simplemente como inspiración para compoñer.