Catálogo

O obxectivo do presente informe é avaliar a técnica de denervación simpática renal mediante ablación co catéter de radiofrecuencia endovascular Symplicity®, respeto a súa seguridade, eficacia e/ou efectividade no tratamento da hipertensión arterial resistente. Este informe ten características especiais na edición por que responde ós requisitos do Plan de Calidade para o SNS 2010, aprobado no Consello Coordinador de Publicacións da Xunta de Galicia, con data de 29 de xuño de 2010.

Actualización do Programa Galego de Prevención e Control da Tuberculose, que se puxo en marcha a finais do ano 1994, e cuxos obxectivos e estratexias é necesario adaptar á situación epidemiolóxica actual da tuberculose en Galicia. As metas e obxectivos deste novo programa están deseñados para ser conseguidos no período 2012-2015.

O Programa de vixilancia sanitaria das zonas de baño realízase na Comunidade Autónoma de Galicia dende o ano 1993. Este programa lévase a cabo por parte de todas as comunidades autónomas coordinado polo Ministerio de Sanidade e Consumo, dende o ano 1988. Na nosa Comunidade Autónoma a tempada de baño estabécese, en función das condicións climatolóxicas, desde o 1 de xaneiro ao 30 de setembro, se ben a primeira recollida de mostras realízase na segunda quincena de maio. As mostraxes realízanse cunha frecuencia quincenal, de tal modo que ao final da tempada téñense os controis que son os necesarios para clasificar sanitariamente as zonas de baño. Os parámetros controlados son os que indica a lexislación vixente (Real Decreto 1341/2007, de 11 de octubre, sobre la gestión de la calidad de las aguas de baño). Cos resultados obtidos en cada tempada elabórase o Informe Técnico do programa de vixilancia sanitaria das zonas de baño de Galicia. A publicación en formato electrónico diferencíase en dous apartados, o informe e os anexos. No anexo II móstrase unha ficha de cada zona de baño incluída no programa no que se poden consultar os datos da calidade microbiolóxica das augas das zonas de baño, a estatística microbiolóxica de cada punto de mostraxe e a clasificación final de cada unha.

O principal obxectivo de este informe é avaliar a afectividade e seguridade da braquiterapia da alta tasa de dosis, no tratamento de tumores de cabeza e colo. Preténdese coñecer os beneficios desta técnica respecto a outros tratamentos convencionais (radioterapia externa, excisión cirúrxica, quimioterapia y braquiterapia de baixa taxa) ou outras novas modalidades de tratamento (radioterapia de intensidade modulada, radioterapia estereotáctica, etc).

Publicación electrónica dirixida a todos os profesionais do ámbito da nefroloxía. Nela descríbese a epidemioloxía da enfermidade renal terminal e os seus tratamentos tanto a diálise como o transplante na Vomunidade Autónoma de Galicia. Descríbense os datos correspondentes ao ano 2011 e a evoluición dos últimos anos

O obxectivo do informe é avaliar a eficacia e seguridade da neurorreflejoterapia no tratamento da dor lumbar inespecífica en adultos

Este documento ten características especiais na edición por que responde a requisitos de edición do Plan de Calidade para o SNS, aprobado en Consello Coordinador de Publicacións da Xunta de Galicia, con data de 29 de xuño de 2010. O prezo de venta ao público estipúlase dentro do Plan de Calidade para o SNS.

É unha publicación electrónica no venial y gratuita que presenta unha serie de medidas sistemáticas, concatenadas e avaliadas pola evidencia científica dispoñible e polo consenso de expertos sobre as medidas que se deben tomar nas organizacións sanitarias do Servizo Galego de Saúde, aunque son aplicables a organizacións similares- cando se produce un incidente grave de seguridade que afecte a un paciente, ou o que é o mesmo, un evento adverso grave, que en ocasións terá consideración de evento centinela.

Publicación dirixida a técnicos e ONG que traballan no campo do VIH-sida, sobre as novas infeccións polo virus da inmunodeficiencia humana. De maneira que se informa sobre o importante cambio que se produce cando a problemática se considera desde a perspectiva da infección e non da enfermidade. E así coñecemos as características actuais da epidemia, tanto no que se refire ás persoas afectadas, prácticas de risco e distribución temporoespacial

Boletín no que se presenta o medicamento DRONEDARONA, antiarrítmico indicado no mantemento do ritmo sinusal despois de cardioversión efectiva en pacientes adultos e clinicamente estables con fibrilación auricular paroxística ou persistente, centrándose na análise de eficacia e seguridade

Trátase da actualización e reedición dos diferentes protocolos de actuación que debe ter en conta os diferentes actores do sistema sanitario ante un doente que sufre un Ictus. A Xerencia de Xestión Integrada de Santiago de Compostela conta cunha unidade de Ictus que establece e revisa periódicamente as novidades en canto a protocolos de actuación e diagnóstico, así como os tratamentos necesarios que deben acometer os servizos implicados, como atención primaria, urxencias ou neuroloxía nos sanitarios cando se enfrontan a un paciente cun Ictus. O documento establece as pautas para o colectivo de enfermería e facultativos.

O programa de vixilancia sanitaria das zonas de baño realízase na Comunidade Autónoma de Galicia dende o ano 1983. Este programa lévase a cabo por parte de todas as comunidades autónomas coordinado polo Ministerio de Sanidad, Servicios Sociales e Igualdad, desdo o ano 1988. Na nosa comunidade a temporada de baño establécese, en función das condicións climatolóxicas, desde o 1 de xuño ao 30 de setembro, se ben a primeira recollida de mostras realízase na segunda quincena de maio. As mostraxes realízanse cunha frecuencia quincenal, de tal modo que ao final de temporada téñense, polo menos, 8 controis que son os necesarios para calcular a clasificación sanitaria das zonas de baño. Os parámetros controlados son os que indica a lexislación vixente (Real decreto 1341/2007, de 11 de outubro, sobre a xestión da calidade das augas de baño). Cos resultados obtidos en cada temporada elebórase o Informe técnico do programa de vixilancia sanitaria das zonas de baño de Galicia. A publicación é en formato electrónico. Nesta diferéncianse dous apartados, o informe e os anexos. No anexo III móstrase unha ficha de cada zona de baño incluída no programa no que se poden consultar os datos da calidade microbiolóxica das augas das zonas de baño, a estatística microbiolóxica de cada punto de mostraxe e a clasificación sanitaria final de cada unha.