Catálogo

Catálogo da exposición temporal "A fraxilidade no tempo. O vidro na antigüidade".

Catálogo en galego da exposición A Coruña. A cidade na arte, que contén dous artigos relacionados cos contidos da exposición, xunto coa relación catalográfica de cerca de 140 obras; engádese ao final a tradución ao castelán.

Catálogo da exposición "Cultura-cultura", doazón de arte e arqueoloxía de Caja Madrid ao Museo de Montserrat.

Catálogo da exposición temporal "De Picasso a Barceló: A Colección Mayoral", que conta con dúas presentacións institucionais (do conselleiro de Cultura e Turismo e do director xeral de Patrimonio Cultural), amais dunha presentación do coleccionista Manuel Mayoral e outra da directora do Museo de Belas Artes da Coruña. A continuación figura un texto do comisario, que fai un percorrido pola plástica do século XX a través dos autores que forman parte da exposición. Tras este texto aparecen as imaxes das obras dos autores, coa correspondente ficha técnica. Inclúese ao final a tradución de tódolos textos ao castelán.

Publicación que recolle unha síntese do Plan Director da catedral de Tui, elaborada por un amplo grupo de especialistas que se centraron en diversos aspectos: estudos histórico-artísticos, de materiais e técnicos, estado material das fábricas e os seus compoñentes, o seu comportamento hidráulico, a realidade espacial, litúrxica e cultual no conxunto, e propostas (desde intervencións puramente construtivas, ata propostas de usos, proxeccións e continuidade da investigación). Así mesmo, o plan director completo pódese consultar no dvd que leva incorporado o libro no interior da contracapa.

Catálogo da exposición 'Pinceladas de realidade', montada polo Museo de Belas Artes da Coruña en 2005, sobre a obra de tres grandes pintoras, de longa traxectoria, integradas no movemento realista.

Revista de carácter científico que recolle artigos dos mellores especialistas do mundo, no que atinxe ao Camiño de Santiago (arte, historia etc.).

Catálogo que recolle o traballo de sete fotógrafos do norte de Portugal, no que cada un nos amosa a súa particular visión fotográfica dunha catedral, a través dun percorrido polas sés do norte do país veciño.

Volume con textos e imaxes arredor da intervención realizada en Compostela por Manuel Ruibal, no ano 2004.

Tese de doutoramento de Staffan Mörling -profesor da Universidade de Lund (Suecia)- que complementa e amplía o estudo das condicións de creación e de mantemento ou desaparición das dúas embarcacións máis significativas en Galicia, a dorna e a lancha xeiteira.

Exposición que mostra unha colección de imaxes recuperadas sobre os cines galegos, algún deles en perigo de desaparecer. O traballo, do fotógrafo Manuel Sendón, é tamén un testemuño da súa liña creativa.

Publicación na que se dá a coñecer unha colección privada inédita de fotografías realizadas entre 1890 e 1950, e que pertenceron a Arthur Ginnings, misioneiro protestante británico, que viviu durante 40 anos na localidade de Ares, tentando difundir na zona a idea evanxélica. Esta colección constitúe un importante arquivo documental para o coñecemento da implantación e posterior evolución das comunidades evanxélicas en Galicia e, asemade, constitúe un referente de interese desde o punto de vista etnográfico, xa que contén interesantes imaxes inéditas de monumentos, espazos naturais e persoas, tanto de Galicia coma de España, tomadas por fotógrafos afeccionados e anónimos.