Operación estatística extraída da información facilitada polas propias persoas interesadas sobre a concesión ou renovación dos títulos de familia numerosa entre o 1 de xaneiro e o 31 de decembro do ano en curso. Informa tamén sobre a normativa aplicable e os requisitos que se deben cumprir para o recoñecemento da condición de familia numerosa.
As enfermidades cardiovasculares constitúen a primeira causa de morte en Occidente e son responsables de catro millóns de mortes ao ano en Europa. O presente proceso asistencial ten como obxectivo reducir o impacto da cardiopatía isquémica. Este documento debuxa por primeira vez de forma integral o proceso asistencial da cardiopatía isquémica, desde a prevención primaria; o estudo da dor torácica, a síndrome coronaria aguda, os programas de rehabilitación cardíaca e prevención secundaria e a síndrome coronaria crónica. En cada unha das fases do proceso introdúcese a secuencia de actividades, as probas complementarias e os tratamentos, de xeito que facilite a consulta rápida e a actualización do coñecemento.
As técnicas de imaxe cardíaca (Timaxc) experimentaron un grande avance nas últimas décadas. O seu uso no proceso diagnóstico e na toma de decisións terapéuticas con relación ás diferentes patoloxías cardiovasculares creceu de forma exponencial e leva, en ocasións, a un abuso con relación á súa indicación. Co fin de tentar organizar a utilización das Timaxc, as sociedades científicas elaboraron recomendacións de uso apropiado destas. Ademais, nas guías de práctica clínica (GPC) de cada patoloxía recóllese un apartado con relación ao diagnóstico e indícase que técnica se debe de utilizar en cada momento do proceso asistencial e a periodicidade do seu uso. O anteriormente mencionado, unido á tendencia para facer unha medicina defensiva e á crenza de que con máis probas de imaxe se consegue un mellor diagnóstico e tratamento do paciente, fai que sexa imprescindible organizar o uso das Timaxc en cada centro evitando un aumento progresivo do gasto, que pode facer insustentable un sistema sanitario.
A Dirección Xeral de Asistencia Sanitaria do Servizo Galego de Saúde desenvolveu o proceso asistencial integrado para o dano cerebral adquirido recollendo a evidencia científica actual a aplicar nas intervencións que se teñen que realizar ao longo deste proceso. Definindo fluxos e circuítos que eviten a duplicidade de actividades ou a realización daquelas que non xeren un valor engadido ao usuario.
Este proceso asistencial integrado está acorde coas estratexias e liñas de acción promovidas pola Dirección Xeral de Asistencia Sanitaria e está coordinado desde a Subderección Xeral de Xestión Asistencial e Innovación a través do Servizo de Integración Asistencial.
Informar a poboación dos resultados do programa de vixilancia sanitaria das zonas de baño de Galicia, no ano 2023.
A prevalencia e a evolución da diabetes melitus tipo 2, os cambios no seu manexo e o avance no coñecemento científico, entre outros aspectos, fixeron necesaria a actualización do Proceso asistencial integrado de diabetes mellitus tipo 2 do Servizo Galego de Saúde, publicado no ano 2015.
O obxectivo desta versión actualizada é orientar as actuacións dos e das profesionais no diagnóstico, o tratamento e o seguimento das persoas con diabetes mellitus tipo 2, co fin de mellorar a súa calidade de vida e reducir a morbimortalidade asociada, a través da diminución da variabilidade asistencial e baixo criterios de calidade e eficiencia
A presente Guía práctica de lesiones por quemaduras (Guía práctica nº 5, 2ª edición) intégrase dentro da colección de guías prácticas de feridas do Servizo Galego de Saúde; de acordo coas estratexias e liñas de acción promovidas a través do programa Úlceras Fóra.
Esta 2ª edición confórmase como unha síntese das últimas actualizacións da proba científica arredor das mellores intervencións asistenciais e prácticas preventivas na abordaxe das lesións por queimadura.
A guía está acorde coas estratexias e liñas de acción promovidas pola Dirección Xeral de Asistencia Sanitaria e está coordinada desde o Servizo de Integración Asistencial da Subdirección Xeral de Xestión Asistencial e Innovación.
A prevalencia e a evolución da diabetes melitus tipo 2, os cambios no seu manexo e o avance no coñecemento científico, entre outros aspectos, fixeron necesaria a actualización do Proceso asistencial integrado de diabetes mellitus tipo 2 do Servizo Galego de Saúde, publicado no ano 2015.
O obxectivo desta versión actualizada é orientar as actuacións dos e das profesionais no diagnóstico, o tratamento e o seguimento das persoas con diabetes mellitus tipo 2, co fin de mellorar a súa calidade de vida e reducir a morbimortalidade asociada, a través da diminución da variabilidade asistencial e baixo criterios de calidade e eficiencia.
O Déficit de Alfa-1 Antitripsina (DAAT) é unha alteración xenética identificada como o trastorno hereditario máis frecuente en adultos, caracterizada por niveis reducidos de alfa-1 antitripsina circulante, que predispón á afectación pulmonar, hepática e máis raramente cutánea e/ou circulatoria sistémica. A atención dunha persoa con DAAT é complexa, con distintas necesidades identificadas e moitos retos aínda por diante. Por tal motivo, proponse a elaboración deste documento, para que sexa de axuda na toma de decisións a calquera dos médicos implicados, desde o seu diagnóstico ata o seu seguimento, cunha perspectiva integral entre os servizos de pneumoloxía, AP, enfermería, farmacia hospitalaria (FH), incluíndo taména visión do paciente.
O cancro de mama é unha enfermidade de grande impacto no sistema sanitario. O programa de detección de tecnoloxías novas e emerxentes do Ministerio de Sanidade busca priorizar tecnoloxías que melloren o manexo desta doenza. O uso de marcadores metálicos na disección axilar dirixida (DAD) seleccionouse como unha tecnoloxía nova que permite extraer selectivamente tecido axilar afectado. Como resultado da extracción selectiva redúcense os efectos secundarios e mellórase a calidade de vida das pacientes. A evidencia publicada sobre os marcadores metálicos describe unha taxa de falsos negativos inferior ao 10 %, límite marcado polos expertos para o emprego da DAD. Sería necesaria a súa avaliación comparativa co sistema actualmente utilizado para coñecer a súa seguridade e efectividade relativas.
Este documento ten como obxectivo establecer protocolos de solicitude de probas de imaxe en patoloxía de ombreiro ante a elevada demanda de probas de imaxe. A súa finalidade é garantir que estas se soliciten de forma adecuada (redución de estudos innecesarios, de exposición á radiación, de atrasos nos tempos de espera) e evitar un aumento dos custos sanitarios.
A Estratexia galega de saúde fixa prioridades comúns para abordar desde os distintos eidos da política sanitaria: saúde pública, asistencia e investigación.
O documento recolle 20 programas e 100 liñas de actuación destinadas a afrontar os retos de futuro da nosa sanidade.
As prioridades marcadas buscan coordinar o sistema para deseñar políticas de saúde que preveñan a aparición das enfermidades, que aceleren o diagnóstico no caso de aparecer, que personalicen ao máximo a atención e o tratamento dos enfermos e que integren do xeito máis áxil posible todas as innovacións científicas e tecnolóxicas que vaian xurdindo.
