Este procedemento intégrase no programa Femora que recopila procedementos estandarizados, con evidencia científica, para os profesionais do Servizo Galego de Saúde.
A finalidade deste procedemento é describir as actividades encamiñadas a proporcionar fármacos ao paciente por vía sublingual.
Nesta guía expóñense con claridade as razóns biolóxicas de porqué as persoas con TDAH teñen máis predisposición a abusar e facer mal uso das novas tecnoloxías, coa correspondente invasión da privacidade, á cal se dedica tamén un capítulo. É moi importante que se entenda a importancia das condicións e termos de cesión de información (a tendencia natural dunha persoa hiperactiva é aceptar sen mirar).
Hai capítulos dedicados aos usos máis frecuentes: os videoxogos, as redes sociais, nos cales, ademais de describilas, trata como se debe facer un uso correcto, os potenciais perigos e como evitalos, así como recomendacións de vida saudable dando alternativas divertidas e formativas.
A guía finaliza con moito material práctico e consellos práctico, de moito valor para as familias e educadores.
En definitiva, os principais obxectivos desta guía son presentar as características do trastorno por déficit de atención e hiperactividade (TDAH) por facer un mal uso das novas tecnoloxías, definir e mostrar o funcionamento das redes sociais e videoxogos máis empregados e por último, dotar os adultos de ferramentas e estratexias que lles permitan educar e acompañar no uso saudable das novas tecnoloxías.
Publicación sobre os tipos de drons, o que podemos facer con eles, a seguridade e saúde no seu uso e aquelas actividades susceptibles de seren realizadas con drons.
Guía na que se explica o que é un dron, os tipos e sistemas, elementos, accesorios, cámaras, carga de pagamento... Analízase o seu uso coa PRL, a utilización como equipo de traballo, os riscos asociados ao seu uso, primeiros auxilios, escenarios, estudo de seguridade aérea, coordinación de actividades empresariais e diferentes aplicacións en prevención.
Este procedemento intégrase no programa Femora, que recompila procedementos estandarizados, con evidencia científica, para os profesionais do Sergas.
Este procedemento pretende documentar as accións para a realización correcta da toma de mostra capilar para determinar a glicosa.
O obxectivo do informe consitiu en valorar a utilidade clínica da ablación mediante radiofrecuencia ou a selaxe mediante cianocrilato no tratamento das varices. Segundo a evidencia publicada, ambas as técnicas parecen ser seguras e reducen a sintomatoloxía asociada a esta patoloxía, cunha maioría dos pacientes tratados que se manisfestan satisfeitos cos resultados obtidos.
Campaña de prevención do consumo de tabaco nas praias marítimas e fluviais.
Este procedemento intégrase no programa Femora que recopila procedementos estandarizados, con evidencia científica, para os profesionais do Sergas.
Ten como finalidade describir as actividades encamiñadas a proporcionar fármacos ao paciente por vía intramuscular.
Co obxectivo de reducir as desigualdades que existen entre as comunidades autónomas sobre as enfermidades que se criban ao nacer e de garantir un acceso equitativo universal de todos os nenos que acaban de nacer, considérase prioritario revisar e actualizar o Programa de cribado neonatal do Sistema Nacional de Saúde.
Neste informe avalíase a efectividade clínica do cribado neonatal da hiperplasia suprarrenal conxénita e o seu grao de cumprimento cos requisitos imprescindibles para ser incluído no programa a nivel nacional.
Boletín editado pola Fundación Pública Urxencias Sanitarias de Galicia-061 para dar a coñecer os últimos avances en urxencias prehospitalarias.
Este traballo ten por principal obxectivo afondar no coñecemento do senfogarismo feminino en Galicia, poñendo o foco nas mulleres. Preténdese, así mesmo, coñecer como se están a atender as súas necesidades. A mellora no coñecemento das mulleres que son atendidas polos servizos sociais, do seu perfil sociodemográfico e sociolaboral, así como dos servizos dos centros de que son usuarias e das necesidades detectadas ten por obxectivo último que as mulleres en situación de senfogarismo poidan saír da situación de exclusión social en que se atopan en Galicia.
A presente Guía Práctica de Feridas traumáticas agudas de partes brandas. Guía nº8, intégrase dentro da Colección de Guías Prácticas de Feridas do Servicio Galego de Saúde (Sergas); de acordo coas estratexias e liñas de acción promovidas a través do Programa Úlceras Fóra que coordina a Subdirección Xeral de Ordenación Asistencial e Innovación Organizativa.
Esta guía confórmase como unha síntese das mellores intervencións e prácticas preventivas ou terapéuticas dispoñibles para o coidado das persoas con feridas traumáticas agudas nas partes brandas, segundo a práctica clínica baseada na evidencia científica máis actual.
