Catálogo

Resumo da actividade realizada por Galaria, Empresa Pública de Servizos Sanitarios, durante a anualidade de 2021.

Publicación anual con información estatística sobre menores en situación de desprotección e sobre adopcións. Define as distintas figuras legais que protexen en situación de risco e desamparo: garda, tutela e acollemento, sexa familiar ou residencial. Tamén define e analiza o proceso legal das adopcións, na súa dobre vertente: nacional e internacional. Por último, describe os programas de apoio ás persoas menores e ás súas familias levados a cabo polos servizos especializados de protección da infancia.

Folleto no que se indican as principais recomendacións para a prevención das exposicións a sílice cristalina respirable en talleres e obras.

Operación estatística extraída da información facilitada polas propias persoas interesadas sobre a concesión ou renovación dos títulos de familia numerosa entre o 1 de xaneiro e o 31 de decembro do ano en curso. Informa tamén sobre a normativa aplicable e os requisitos que se deben cumprir para o recoñecemento da condición de familia numerosa.

Este informe de avaliación da Lei de inclusión social de Galicia informa sobre as prestacións económicas xestionadas pola Consellería de Política Social e Xuventude, a través da Dirección Xeral de Inclusión Social durante 2022 e relativas á renda de inclusión social de Galicia (Risga) e ás axudas de inclusión social (AIS).

Cartel informativo sobre a vacinación fronte ao herpes zóster. Enviarase aos centros de saúde e hospitais para a información tanto ao persoal sanitario como aos usuarios.

Publicación que ten por obxectivo mellorar a seguridade dos pacientes a tratamento con Brivudina, Nitroglicerina e Buprenorfina, informar sobre as notificacións de sospeitas de reaccións adversas a medicamentos do ano 2022, así como recalcar a importancia de notificar as ditas sospeitas.

Actualización do informe anual da tuberculose, editado polo Programa galego de prevención e control da tuberculose, con datos do ano 2021 e a evolución do período 1996-2021.

Tríptico que ofrece información correcta á cidadanía sobre a doazón de sangue, para que quen o desexe se faga doante.

Folleto divulgativo para a promoción da doazón na poboación en xeral. Tamén se pode solicitar o carné de doador de órganos e tecidos a través destes folletos.

Coincidindo coa promulgación da Lei orgánica 3/2021, do 24 de marzo, de regulación da eutanasia (LORE), o Consello de Bioética de Galicia (CBG) considerou necesario reflexionar sobre aqueles aspectos relacionados co desenvolvemento do proceso e dos procedementos sustentados pola LORE, coa finalidade de axudar a dar unha resposta coa máxima garantía ética posible ás solicitudes de prestación de axuda para morrer.

Este procedemento pretende documentar as accións que se van realizar para a administración segura e eficaz dos medicamentos por vía rectal con fins terapéuticos, preventivos ou diagnósticos. Publicarase no portal Femora do Servizo Galego de Saúde, en https://femora.sergas.es.