Catálogo

O obxectivo desta publicación é poñer en marcha un proxecto de biblioterapia que xurdiu durante unha colaboración da Consellería de Sanidade con pacientes afectados por depresión e as súas familias. Con este punto de partida, a Axencia de Coñecemento en Saúde (ACIS) comezou a traballar na articulación dunha iniciativa para revisar a evidencia científica dispoñible sobre o uso dos libros con fins terapéuticos e na implementación do proxecto.

Publicación cuxo contido vai dirixido a técnicos sanitarios e persoal de ONG que traballan no campo do VIH-sida, tratando o tema das novas infeccións polo virus da inmunodeficiencia humana e outras infeccións de transmisión sexual, de maneira que se informa sobre o importante cambio que se produce cando este problema sanitario se considera dende a perspectiva de infección e non de enfermidade. Así,  coñecemos as características actuais da epidemia destas infeccións, tanto no que se refire ás persoas afectadas e prácticas de risco como á distribución temporoespacial.

O estudo responde ao resultado do traballo realizado como parte da preparación previa do futuro Plan de atención ás persoas sen fogar en Galicia con dous obxectivos: ampliar e actualizar a información diagnóstica dispoñible sobre o senfogarismo en Galicia e recoller consideracións e perspectivas de intervención propostas desde grupos de persoas expertas, profesionais da área e con experiencia no senfogarismo.

Estratexia que pretende integrar todos os programas que se veñen desenvolvendo nos últimos anos para a atención ás persoas en situación de cronicidade baixo un modelo de traballo coordinado e innovador, orientado a incrementar a calidade e a seguridade da atención ás/aos pacientes crónicos, a satisfacción das/dos enfermos e a implicación das/dos profesionais.

Resumo da actividade global, de descrición detallada, da actividade realizada polos distintos Servizos da Xerencia de Xestión Integrada de Ferrol ao longo do ano 2017, tanto no hospital como nos centros de saúde.

Manual de uso da identidade corporativa do proxecto RedMay (Rede de apoio e mantemento comunitario de persoas maiores no contorno rural mediante a tecnoloxía e a innovación no marco da Eurorrexión Galicia-Norte de Portugal). Os elementos desta marca serán utilizados sempre conxuntamente co logo do Programa Interreg V-A España Portugal (POCTEP) 2014-2020

O Consello de Bioética de Galicia ten como misión asesorar a Administración e os profesionais da saúde, promover no ámbito sanitario a formación e a consideración da bioética como criterio de calidade e boa práctica profesional, e contribuir á información e ser foro de referencia do debate bioético na sociedade galega. O obxectivo do novo documento estratéxico é dirixir a atención ás posibles situacións de vulnerabilidade das persoas anciás e interpelar os cidadáns, os profesionais e os poderes públicos para combinar de xeito harmónico catro elementos: vulnerabilidade, ancianidade, ética e Galicia.

Guía farmacoterapéutica de utilización no ámbito sociosanitario, especialmente naqueles centros que dispoñen de convenio do Servizo Galego de Saúde para a subministración da prestación farmacéutica no marco do programa de atención farmacéutica. Esta guía de medicamentos encóntrase dirixida a todos os profesionais sanitarios cuxo ámbito de actuación é o sociosanitario e nace co obxectivo de homoxeneizar a prestación farmacéutica subministrada aos residentes nestes centros independentemente da xerencia de xestión integrada encargada da prestación.

Instrución para os profesionais sanitarios dos puntos de vacinación de Galicia con contidos técnicos e de xestión da campaña de vacinación antigripal 2018, para a súa publicación na web.

O proceso asistencial integrado da esclerose lateral amiotrófica elaborouse co obxectivo de crear un proceso de traballo común en todas as áreas para facilitar a asistencia sanitaria ás persoas diagnosticadas desta enfermidade.

Establécense actuacións como o asesoramento continuo, as consultas en acto único, a coordinación asistencial, tanto entre especialidades como coa atención primaria e a coordinación administrativa do sistema sociosanitario.

Neste proceso participaron profesionais das diferentes áreas sanitarias especialistas en neuroloxía, endocrinoloxía, pneumoloxía, psicoloxía clínica, rehabilitación, traballo social e hospitalización a domicilio.

O boletín de información terapéutica do Servizo Galego de Saúde é un novo boletín onde se quere informar sobre novidades relevantes na terapéutica. No nº 1 do ano 2018 informamos sobre unha nova estratexia en materia de seguridade dos pacientes. O obxectivo do boletín "Prácticas seguras con medicamentos de uso crónico I" é dar a coñecer a evidencia científica dispoñible (estudos, alertas de seguridade, boletíns, consensos de expertos...) sobre o risco que pode levar consigo a utilización de certos medicamentos en determinadas situación clínicas ou cando están asociados a outros medicamentos, así como proporcionar recomendacións para evitar potenciais problemas de seguridade, en relación con 14 criterios seleccionados.

O boletín de actualizacións bibliográficas en urxencias prehospitalarias presenta as últimas novidades sobre a atención á urxencia e á emerxencia no ámbito extrahospitalario.