Ciencia parece pero non é recolle unha serie de artigos breves correspondentes ás charlas de divulgación do ciclo de cultura científica da Consellería de Cultura, Educación, FP e Universidades para o ano 2023.
No Informe 2022 da Cooperación Galega dáse conta de todas as actuacións que se levaron a cabo ao longo do exercicio 2022, en cumprimento do Plan anual 2022 da Cooperación Galega, que foi aprobado polo Consello da Xunta de Galicia do 3 de febreiro de 2022, logo de recibir o informe favorable do Consello Galego de Cooperación para o Desenvolvemento na súa reunión plenaria do 20 de xaneiro, e de conformidade co previsto nos artigos 83.4 e 87.2 da Lei 10/2021, do 9 de marzo, reguladora da acción exterior e da cooperación para o desenvolvemento de Galicia.
Catálogo de empresas e establecementos funerarios onde se recollen de forma clara, e por orde cronolóxica, todos os trámites administrativos exixibles e as actuacións necesarias para a implantación das iniciativas empresariais, incluídos os de competencia municipal dos concellos adheridos ao Sistema de atención ao investimento.
Este catálogo deberá actualizarse permanentemente e supón unha gran simplificación para as empresas e, en particular, para as persoas emprendedoras, que poderán consultar os trámites que lles serán exixidos pola Administración autonómica, o que supón facilitar a comprensión, a planificación e a tramitación da parte administrativa.
O informe "Xestión, reciclaxe, formación e acción cultural na era da dixitalización" é o resultado dunha encarga que a Consellería de Cultura, Educación e Universidade, a través da Secretaría Xeral de Cultura, realiza a un equipo interuniversitario do Sistema Universitario Galego (UDC, USC, UVIGO) para realizar, en primeiro lugar, unha análise das realidades dos sectores cultural e creativo, tomando como referencia os perfís formativos (socioprofesionais e laborais) dos responsables técnicos e dos xestores e dinamizadores da acción pública cultural en Galicia.
Os resultados desta investigación aplicada propoñen liñas de actuación que buscan facilitar a toma de decisións nas administracións públicas para concretar e optimizar as oportunidades formativas, profesionais e laborais reais que achega o sector.
A investigación constata a progresiva incorporación das mulleres ao sector e recoñece este colectivo como experimentado e cada vez máis preparado, e identifica a necesidade de ampliar a formación xurídica e tecnolóxica para incentivar a estabilidade deste tipo de xestores no cadro de persoal das administracións locais.
Este folleto fai un percorrido polos lugares relacionados co tema xacobeo da cidade de Compostela e mais da súa contorna: desde as antigas portas da cidade, pasando por Casas Reais, A Quintana ou As Praterías, ata a catedral, as rúas da zona monumental etc. Así mesmo, recolle outros lugares de vital importancia relacionados co Camiño pero que están afastados da cidade: o monte Pedroso, o Pico Sacro, Iria Flavia e Padrón. Inclúe, ademais, un plano e un mapa que reflicten os devanditos lugares.
Este folleto componse dun libriño de 8 páxinas no que se fai un breve percorrido polo mundo das peregrinacións, a historia do Camiño de Santiago, ritos e costumes da catedral, etc. No seu interior, grampado, contén un despregable de 8 corpos que inclúe planos da ruta, perfís, distancias quilométricas, etapas parciais, planos de lugares xacobeos, etc. Así mesmo, o apartado “Mais alá do Camiño”, anímanos a que cando rematemos o Camiño poidamos contemplar territorios e paisaxes, de singular beleza, un pouco afastados del.
Este folleto componse dun libriño de 8 páxinas no que se fai un breve percorrido polo mundo das peregrinacións, a historia do Camiño de Santiago, ritos e costumes da catedral, etc. No seu interior, grampado, contén un despregable de 8 corpos que inclúe planos da ruta, perfís, distancias quilométricas, etapas parciais, planos de lugares xacobeos, etc. Así mesmo, o apartado “Mais alá do Camiño”, anímanos a que cando rematemos o Camiño poidamos contemplar territorios e paisaxes, de singular beleza, un pouco afastados del.
Informe xeral de actividade da Axencia para a Modernización Tecnolóxica de Galicia no ano 2015, na que, tras unha breve reseña da natureza e función desta axencia pública autonómica, exponse a actividade desenvolvida durante o exercicio 2015, así como os principais logros acadados.
Con motivo das últimas intervencións realizadas no monumento de Santa Eulalia de Bóveda, decídese facer esta publicación, na que se recolle un estudo historiográfico de Enrique Montenegro, os resultados da lectura de parametros e o levantamento topográfico da arqueóloga Rebeca Blanco-Rotea, no que se establecen as distintas fases de construción do edificio, o estudo das pinturas realizado pola restauradora Rosa Benavides e, por último, a intervención arquitectónica de César Portela no monumento e no seu contorno.
Coedición da Xunta de Galicia coa Editorial Alvarellos. Trátase dunha tradución a galego (inédita), desde o italiano medieval, de Darío Xohán Cabana do libro “I Fioretti di san Francesco”, con ilustracións feitas ad hoc por Darío Basso.
Adaptación en papel do material didáctico en liña dos cursos de linguaxe xurídica galega. Neste manual recóllese o material teórico, os exercicios e información complementaria para a realización do curso. Material para uso didáctico nas clases presenciais.
Adaptación en papel do material didáctico dos cursos de linguaxe administrativa e xurídica. Neste manual recóllense os modelos de documentos e orixinais incorrectos comentados cos erros máis frecuentes. Material para uso didáctico nas clases presenciais.
