Catálogo

Ferramenta para o desenvolvemento da saúde e o benestar no traballo.

Este proxecto expositivo fai un percorrido a través da historia, constitúe un relato de desenvolvemento, modernidade e internacionalización. A través de 65 fotografías percórrense as estacións do tren que comunicaban o Douro e o Miño. Fotografías realizadas en fototipia polo prestixioso Emilio Biel.

Boletín informativo de periodicidade bimestral elaborado pola Sección de Publicacións e Estatísticas da Secretaría Xeral Técnica da Consellería de Política Social. Estrutúrase en varias seccións: Actualidade, Estatísticas, Alertas e Normativa, e ten como principal obxectivo informar verbo das actuacións máis salientables da Consellería no seu ámbito competencial e a información e formación das persoas usuarias.

Documento en formato de fichas que se configura coma unha ferramenta de axuda e para dar unhas pautas básicas de actuación para evitar que eses materiais atopados de forma inesperada poidan poñer en risco as persoas traballadoras ou terceiras persoas, por descoñecemento da posible presenza de amianto ou por actuaren de maneira imprudente.

Documento que se configura coma unha ferramenta de axuda e para dar unhas pautas básicas de actuación, para evitar que eses materiais atopados de forma inesperada poñan en risco a persoas traballadoras ou outras, por descoñecemento da posible presenza de amianto ou por actuar de maneira imprudente.

Boletín de periodicidade semestral en que se recollen informacións diversas do Instituto Galego das Cualificacións para a súa divulgación.

Publicación que proporciona un coñecemento pormenorizado sobre a estrutura do mercado laboral da Comunidade Autónoma de Galicia; presenta, para este obxectivo, información detallada das principais variables que condicionan o funcionamento do mercado de traballo.

Informe relativo aos grupos de ocupación con mellores resultados no mercado laboral comarcal, sobre a base do movemento de contratados e demandantes de emprego.

Boletín trimestral en que se recollen novidades e artigos de opinión en materia de responsabilidade social empresarial de Galicia.

Documento no que se reflicte a planificación das actividades de control oficial recollidas no PNCOCA nesta comunidade autónoma; abarca a totalidade da cadea alimentaria, desde a produción primaria ata o consumidor final, e implica todas as autoridades competentes con responsabilidade na seguridade alimentaria de pensos e alimentos, do benestar dos animais e a información ás persoas consumidoras.
O documento elaborouse para visualizar nun único texto todas as actividades de control oficial que as distintas unidades da Xunta de Galicia con competencias en materia de seguridade alimentaria dos pensos e alimentos e de benestar dos animais realizan.
Organízase en distintos apartados, coa finalidade de reflectir dunha forma ordenada as estruturas administrativas, competencias, recursos, criterios operativos de planificación e de mellora continua das actividades de control.

Boletín de actualizacións bibliográficas en urxencias prehospitalarias editado pola Comisión de Investigación da Fundación Pública Urxencias Sanitarias de Galicia-061, que presenta as últimas novidades no campo da urxencia e a emerxencia sanitaria na atención extrahospitalaria.

Memoria da actividade desenvolvida por GALARIA, Empresa Pública de Servizos Sanitarios, ao longo do ano 2016, que inclúe actividade asistencial, consultoría e protección radiolóxica, produción de radiofármacos, xestión do servizo de cita previa telefónica 'Saúde en liña', así como datos de estrutura organizativa, recursos humanos, actividade científica e novas tecnoloxías incorporadas á empresa.