Memoria da actividade desenvolvida por Galaria, Empresa Pública de Servizos Sanitarios durante o ano 2012, que inclúe actividade asistencial, consultoría e protección radiolóxica, produción de radiofármacos, participación en actividades de eficiencia enerxética e xestión do servizo de cita previa telefónica "Saúde en Liña", así como datos de recursos humanos, actividade científica, estrutura organizativa e novas tecnoloxías incorporadas á empresa.
O manual de acollida da Fundación Pública Urxencias Sanitarias de Galicia-061 pretende achegar os novos traballadores da Fundación aos aspectos máis importantes desta, organigrama, estrutura, carteira de servizos, áreas, dereitos e deberes dos usuarios, aplicacións informáticas, directorio, etc.
A presente obra responde ao cumprimento dunha das funcións da Comisión Galega de Bioética, fomentar a formación dos profesionais do ábito sanitario en materia de Bioética, nela se recolle, respectando a lingua na que foron escritos os relatorios, as distintas actividades que conformaron o pasado día 24 de outubro unha xornada de traballo baixo o lema, a confidencialidade, desde a bioética, é mais que unha obriga e un dereito no Sistema Público de Saúde de Galicia.
Coa orientación de satisfacer as necesidades e expectativas dos usuarios, desenvólvese un proceso asistencial integrado que concreta, de maneira clara e precisa, a sistemática de atención aso pacientes, coordinando os distintos profesionais implicados en todos os niveis asistenciais, para minimizar os tempos de espera, facilitar a continuidade asistencial e basear a práctica clínica na mellor evidencia científica dispoñible na actualidade. Deséñanse solucións que veñen garantir a continuidade asistencial entre os centros de saúde e os hospitais, dentro deste modelo de xestión integrada, partindo da perspectiva de que a axilización dos circuítos e a reorganización dos procesos non só mellorarán a accesibilidade aos recursos sanitarios, senón tamén a calidade asistencial aos pacientes.
Documento no que se recollen recomendacións de manexo do cancro de pulmón, tanto nos aspectos de diagnóstico coma de tratamento.
Documento no que se recolle o proceso de atención ao cancro de pulmón nos hospitais da rede sanitaria do Servizo Galego de Saúde. Nel defínense as accións a levar a cabo por cada un dos profesionais que participan nesta atención, os indicadores de avaliación, etc.
A Fundación Pública Urxencias Sanitarias de Galicia-061 edita a súa memoria de actividade do ano 2012, na que se inclúen os seguintes apartados, limiar, identificación do centro, contorno, estrutura e organización, recursos globais, actividade global, centro de formación en medicina de urxencias, emerxencias e catástrofes de Galicia, área de calidade, gabinete de prensa, servizo de tecnología e sistemas da información e servizo de atención ao usuario.
Obxectivo da Comisión Galega de Bioética é velar polos dereitos fundamentais no ámbito sanitario galego, fomentar e impulsar o seu cumprimento, unha das liñas estratéxicas do Sistema Público de Saúde de Galicia. A obriga de respectar o dereito á intimidade e á confidencialidade das persoas usuarias do sistema é un compromiso institucional plenamente integrado co deber individual, ético e legal de todos os profesionais. A obra que se presenta, "Intimidade e confidencialidade, obriga legal e compromiso ético", da resposta a estas premisas e, ao tempo, a espallar os aspectos éticos na actividade asistencial cotiá e contribuir, así ao cambio de cultura na nosa organización respecto aos dereitos sanitarios.
O Programa de vixilancia sanitaria das xonas de baño realízase na Comunidade Autónoma de Galicia dende o ano 1983. Este programa lévase a cabo por parte de todas as comunidades autónomas coordinado polo Ministerio de Sanidad, Servicios Sociales e Igualdad, desde o ano 1988. Na nosa Comunidade Autónoma a temporada de baño establécese, en función das condicións climatolóxicas, desde o 1 de xuño ao 30 de setembro, se ben a primeira recollida de mostras realízase na segunda quincena de maio. As mostraxes realízanse cunha frecuencia quincenal, de tal modo que ao final de tempada téñense 8 controis que son os necesarios para clasificar sanitariamente as zonas de baño. Os parámtetros controlados son os que indica a lexislación vixente (Real decreto 1841/2004, de 11 de octubre, sobre la gestión de la calidad de las aguas de baño). Cos resultados obtidos en cada tempada elabórase o Informe Técnico do programa de vixilancia sanitaria das zonas de baño de Galicia. A publicación é en formato electrónico. Nesta diferéncianse dous apartados, o informe e os anexos. No anexo II móstrase unha ficha de cada zona de baño incluída no programa no que se poden consultar os datos da calidade microbiolóxica das augas das zonas de baño, a estatística microbiolóxica de cada punto de mostraxe e a clasificación sanitaria final de cada unha.
Formato libro en pdf en formato electrónico para poñer na web do SERGAS, co obxectivo de actualizar a guía técnica xa existente, versión 1 de xuño de 2003 incluíndo esta 2º versión á evidencia científica actual sobre a detección precoz de cancro de cérvix, así mesmo, actualizáronse os algoritmos de decisión acordes a esta actualización científica e para facilitar a súa comprensión.
A memoria da Oficina de Coordinación de Transplantes correspondente a o ano 2011 recolle a actividade da oficina e dos hospitais galegos referida á doazón e transplante tanto de órganos como de tecidos. Tamén recollemos os datos do programa de garantía de calidade na doazón e transplante e detállanse os centros autorizados para extracción e o implante de órganos e tecidos e os establecementos de tecidos. En canto á oficina, descríbense as actividades desenvolvidas póla mesma así como os obxetivos para o vindeiro ano.
A memoria da Oficina de Coordinación de Transplantes correspondente a o ano 2011 recolle a actividade da oficina e dos hospitais galegos referida á doazón e transplante tanto de órganos como de tecidos. Tamén recollemos os datos do programa de garantía de calidade na doazón e transplante e detállanse os centros autorizados para extracción e o implante de órganos e tecidos e os establecementos de tecidos. En canto á oficina, descríbense as actividades desenvolvidas póla mesma así como os obxetivos para o vindeiro ano.
