Catálogo correspondente á exposición Isaac Díaz Pardo. Pinturas e Fracasos, na que se mostra un conxunto de obras do artista, e na que se referencia a súa traxectoria como pintor, etapa curta pero de grande importancia.
Selección de pezas da colección do museo con información catalográfica, imaxes, selección de procesos de restauración e bibliografía, así como textos explicativos, traducido a castelán e inglés.
Catálogo da exposición organizada polo Museo das Peregrinacións e de Santiago "Le gens du chemin" sobre as peregrinacións ao santuario de Saintes Maries de la Mer (Francia).
Estudo da obra dos artistas surrealistas Mario Cesariny e Artur Cruzeiro-Seixas, historias portuguesas dese movemento, e con base no poema You are welcome to El sinore.
Catálogo da exposición A aventura modernista, celebrada no Museo de Belas Artes da Coruña, no que se inclúen as reproducións fotográficas de todas as obras, así como os textos introdutorios.
Trátase dun folleto-guía visual con textos e imaxes en cor da exposición temporal do mesmo título e un anexo coa tradución en castelán.
A monografía Bas Jan Ader. Entre dos tierras recupera o traballo dun dos artistas máis fascinantes da segunda metade do século XX. Dacabalo entre o romanticismo de Friedrich e oracionalismo de Mondrian, pero cos dous pés firmemente instalados nas novas linguaxes conceptuais que se xestaban en California, a súa obra é hoxe esencial para as novas xeracións de artistas.
Terceiro libro dentro dunha liña editorial na que se recollen os bosquexos, as notas e a evolución do camiño que vai da xestación até a presentación final das producións do Centro Coreográfico Galego.
Libro-catálogo da exposición sobre Faustino Santalices que se fará no Museo Etnolóxico de Rivadavia.
Catálogo da exposición do mesmo título. Faise un percorrido polos ritos de paso e polos actos festivos, para facer ver as súas diferenzas e polo tanto o específico da celebración. A tese exposta exemplifícase a través das dúas manifestacións de festa nunha mesma sociedade como é a Festa da Virxe do Portal e a Festa da Historia. Finalmente faise alusión a outras festas do calendario festivo de Ribadavia.
Con este libro inaugúrase unha serie de publicacións de guías metodolóxicas coas que se pretende contribuír ao coñecemento dos procedementos da arqueoloxía e das súas ciencias auxiliares co obxectivo de servir de axuda na interpretación do rexistro arqueolóxico. A Guía de arqueobotánica ten por obxecto proporcionar orientación sobre os criterios e métodos da arqueoloxía nesta materia, e facilitando directrices e elementos para a recuperación dos materiais orgánicos en contextos arqueolóxicos. Ademais, acompáñase de información complementaria en soporte dixital, formularios e etiquetas, base de datos e informes de diversas actuacións cara a facilitar a planificación dos traballos.
Obra de banda deseñada en homenaxe a Uxío Novoneyra, autor ao que a Real Academia Galega lle dedicou en 2010 o Día das Letras Galegas. Recolle a vida do poeta desde a súa irrupción pública no eido da escrita, a través dos ollos dunha testemuña que o contempla desde a adolescencia até o final.
