Catálogo

O obxectivo que se perseguiu coa elaboración desta guía é a concienciación sobre a importancia dos equipos de protección individual como última barreira entre o/a traballador/a e o risco, presentando un documento sinxelo e de fácil aplicación onde se recollen os aspectos esenciais nos que se debe fundamentar a elección e utilización destes equipos. Así, proporciónanse unha serie de recomendacións que intentan facilitar a elección destes equipos para a súa adecuación ao/á traballador/a nas condicións en que este/esta realiza as súas tarefas.

Guía básica do Issga dedicada á especialidade de ergonomía no traballo

Publicación que analiza a evolución e a situación da mocidade no actual mercado laboral galego. Este informe actualiza os datos ofrecidos na anterior publicación sobre este colectivo elaborada no ano 2007. Móstranse as evolucións nos últimos anos dos indicadores que caracterizan o mercado laboral dos traballadores menores de 30 anos: a participación laboral segundo a Enquisa de Poboación Activa, as afiliacións no sistema da Seguridade Social, o paro, contratación, nivel salarial, formación para o emprego, a mobilidade laboral e a siniestralidade laboral dos mozos galegos. Analízanse en primeiro lugar a situación e evolución demográfica deste colectivo na comunidade galega.

Publicación que analiza a evolución e a situación das mulleres traballadoras no actual mercado laboral galego. Este informe actualiza os datos ofrecidos na anterior publicación sobre este colectivo elaborada no ano 2006. Móstranse as evolucións nos últimos anos dos indicadores que caracterizan o mercado laboral feminino: a participación laboral das mulleres, as afiliacións no sistema da Seguridade Social, o paro, contratación, nivel salarial, formación para o emprego e a siniestralidade laboral nas mulleres traballadoras. Analízanse en primeiro lugar a situación e evolución demográfica da poboación feminina na comunidade galega.

Publicación que analiza a evolución e a situación das mulleres traballadoras no actual mercado laboral galego. Este informe actualiza os datos ofrecidos na anterior publicación sobre este colectivo elaborada no ano 2006. Móstranse as evolucións nos últimos anos dos indicadores que caracterizan o mercado laboral feminino: a participación laboral das mulleres, as afiliacións no sistema da Seguridade Social, o paro, contratación, nivel salarial, formación para o emprego e a siniestralidade laboral nas mulleres traballadoras. Analízanse en primeiro lugar a situación e evolución demográfica da poboación feminina na comunidade galega.

Esta publicación elabórase coa información obtida dos partes de accidentes de traballo e enfermidades profesionais notificados á autoridade laboral galega e actualiza e amplía os datos relativos á sinistralidade laboral en Galicia en 2011.
A información agrúpase en cinco epígrafes:
Accidentes de traballo con baixa
Accidentes de traballo mortais
Enfermidades profesionais
Variación interanual dos accidentes con baixa en xornada de traballo nos últimos dez anos
Índices de incidencia

Neste documento recóllese un conxunto de datos relativos aos accidentes de traballo rexistrado en Galicia no ano 2011. Trátase dun avance no que se amosan datos de especial interese e que teñen carácter previo á publicación do anuario de sinistralidade laboral, en tanto non se estabilizan os datos, e se elabora a publicación tras o tratamento estatístico dos partes de accidentes laborais e das enfermidades profesionais, notificados á autoridade laboral de Galicia e tramitados e procesados polo ISSGA, como órgano técnico en prevención de riscos laborais.

DVD explicativo dos riscos e medidas preventivas que hai que ter en conta na actividade de colleita de recursos específicos en mergullo.

O sector pesqueiro continúa sendo un dos primeiros axentes da economía galega. Non obstante, de todas as actividades laborais consideradas de alto risco, o traballo do mar é o que ten un índice de accidentalidade máis alto. Por iso, é importante desenvolver o traballo de maneira eficiente e ao mesmo tempo evitar, na medida do posible, os seus perigos a través das medidas preventivas deste DVD

Manual do alumno correspondente a un taller de prevención de danos musculoesqueléticos dirixido a traballadoras do mar. Estrutúrase en 9 bloques de contidos con exercicios.

Este manual proporciona información básica para desenvolver o traballo de laboratorio en condicións seguras en consonancia co que marca a lexislación vixente en materia de prevención de riscos laborais. Ademais de abordar os principais perigos e riscos, a guía inclúe normas de conduta e protocolos de actuación en caso de accidente. No documento considéranse fundamentais os riscos producidos nun laboratorio onde exista unha exposición a axentes químicos

Publicación de periodicidade anual dedicada á estatística descritiva da sinistralidade laboral en Galicia. Elabórase coa información obtida dos partes de accidentes de traballo e enfermidades profesionais notificados á autoridade laboral galega. A explotación estatística realízase clasificando os accidentes segundo o grao da lesión e outras variables como sectores de actividade, natureza da lesión, etc. Tamén se ten en conta os accidentes de traballo con baixa en xornada laboral, indicándose de xeito separado, o número de accidentes in itínere. A información agrúpase en cinco epígrafes: Accidentes de traballo con baixa, Accidentes de traballo mortais, Enfermidades profesionais, Variación interanual dos accidentes con baixa en xornada de traballo nos últimos dez anos, Índices de incidencia.