A caverna baleira: Catálogo de arte inmaterial, imposible e inexistente

A caverna baleira: catálogo de arte inmaterial, imposible e inexistente foi a obra premiada na quinta edición do Premio CGAC de Investigación e Ensaio sobre Arte Contemporánea. O texto é unha reflexión sobre a arte invisible, a creación fake e as últimas tendencias da arte contemporánea que apostan pola desmaterialización do obxecto artístico e a súa reimaxinación crítica. Jorge Fernández Gonzalo é poeta, ensaísta e profesor de Filosofía na Universidade Complutense de Madrid. O seu ensaio Filosofía zombi foi finalista do premio Anagrama en 2011.