Catálogo

Nº 12 da colección O papel do teatro, que acolle as obras levadas á escena polo Centro Dramático Galego (CDG), coeditada pola Axencia Galega das Industrias Culturais (Agadic) e Edicións Positivas. Shakespeare en Roma nace como unha oportunidade para unir tres momentos da historia: o presente, o período isabelino e a Roma clásica, a través da guerra, da violencia e da loita polo poder que guían o destino dos personaxes. Shakespeare, na súa prolífica obra, achegouse en catro ocasións ao mundo clásico cos textos Tito Andrónico (1594), Xulio César (1599), Antonio e Cleopatra (1607) e Coriolano (1609), catro pezas nas cales o autor sitúa a acción no Imperio Romano para, dende o seu tempo, reflexionar sobre o poder.

Análise dunhas das pragas máis daniñas do millo no mundo, a Diabrotica Virgifera Virgifera LeConte. Bioloxía, danos e síntomas e medios de loita.

Tríptico informativo de como se deben producir e xestionar os estercos das explotacións intensivas de porcino.

Tríptico informativo de como se deben producir e xestionar os estercos das explotacións intensivas de avicultura.

Estreamos contidos en Agroexprés en dúas novas temáticas: por un lado, un artigo de viticultura sobre especies de fungos responsables da enfermidade do pé negro da vide, unha colaboración entre investigadores da Estación de Viticultura e Enoloxía de Galicia (Evega) e da Universidade de La Rioja; e por outro, un artigo forestal sobre rendementos dun sistema de extracción de resina en piñeiros destinados á madeira, froito do traballo de investigadores do Centro de Investigación Forestal de Lourizán (CIF Lourizán).

Memoria de responsabilidade social corporativa correspondente ao ano 2019.
Inclúe os seguintes apartados: fitos, o 061 de Galicia, cidadanía, profesionais, servizos, indicadores, innovación, economía e finanzas e como contactar.

O catálogo ten por obxectivo dar a coñecer os produtos licitados no concurso de compra pública (SI-SER1-21-015) dirixido á subministración sucesiva de material sanitario destinado á prevención, á limpeza e ao tratamento das feridas, baseado na cura en ambiente húmido e con destino as áreas sanitarias do Sergas.
Enmárcase dentro das producións científicas publicadas polo Programa úlceras fóra e é un contido básico para posteriores actividades formativas en materia de prevención e tratamento de feridas.

O cancro de vexiga non músculo invasivo caracterízase por unha alta taxa de recorrencia e progresión da enfermidade. O tratamento individualízase en función do risco de cada paciente. As opcións terapéuticas dispoñibles inclúen a Mitomicina e o Bacilo de Calmette-Guérin. Esta última opción presenta problemas de desabastecemento ou de resistencia, entre outros; polo que existe interese en técnicas que aumenten a eficacia da Mitomicina como a quimiohipertermia intravesical condutiva. Actualmente as guías de práctica clínica non recomendan esta técnica por falta de proba sobre a súa eficacia.

Cartel anunciando a convocatoria do V Concurso de Carteis dirixido a rapaces e rapazas do curso escolar 2022/23, que ten como tema a doazón e os transplantes. A finalidade é achegar esta realidade á poboación escolar da nosa comunidade autónoma, de modo que os máis novos sexan capaces de valorar os beneficios que o fomento da doazón ten para a cidadanía.

Tríptico informativo para persoas con infección/enfermidade tuberculosa que recolle preguntas coas dúbidas que máis frecuentemente surxen a estes pacientes e as súas respostas.

Tríptico informativo sobre hepatite C e a estratexia de eliminación en Galicia, no tocante á liña de cribado etario oportunista que se vai implantar este ano.

As autolesións convertéronse nas últimas décadas nun importante problema de saúde pública na adolescencia, cun importante impacto a nivel individual, familiar e social. O obxectivo xeral deste traballo é elaborar un documento baseado na evidencia científica e no consenso de expertos que permita unha mellor avaliación e un manexo clínico das autolesións na adolescencia.