Catálogo

Nin me amoles, de Ana Carreira, conforma o número 28 da colección Biblioteca Dramática Galega, que integra as obras gañadoras dos premios Álvaro Cunqueiro para textos teatrais e Manuel María de literatura dramática infantil convocados pola Axencia Galega das Industrias Culturais.

Gañadora do Premio Manuel María de literatura dramática infantil 2022, a obra aborda temas determinantes na sociedade contemporánea en relación coa infancia. Lola é unha nena que sofre os abusos do seu compañeiro Mamalón; que aguanta as impertinencias da súa veciña Meticona e resígnase á ausencia da súa nai, que, aínda presente, nunca pode xogar con ela. Pero un día, ao volver da escola, da súa mochila sae Nin, trasno ou trasna segundo lle pete, a quen só Lola pode ver. Entre xogos e reviravoltas, Nin apréndelle á nena outro xeito de enfrontarse aos problemas.

O traxe, de Fernando Castro Paredes, conforma o número 27 da colección Biblioteca Dramática Galega, que integra as obras gañadoras dos premios Álvaro Cunqueiro para textos teatrais e Manuel María de literatura dramática infantil convocados pola Axencia Galega das Industrias Culturais.

Gañadora do Premio Álvaro Cunqueiro para textos teatrais 2022, a obra O traxe é un monólogo dramático que, facendo uso do humor negro, nos presenta un personaxe inquietante e complexo que, levado ao límite polas circunstancias, decide mostrarse ao mundo tal como é, pois xa nada ten que perder. Unha comedia cruel sobre a intolerancia, a violencia reprimida, a incomunicación e a morte.

Cartel informativo sobre a vacinación fronte ao herpes zóster. Enviarase aos centros de saúde e hospitais para a información tanto ao persoal sanitario como aos usuarios.

Amosar o vínculo singular que desenvolveron con Galicia científicos, escritores, artistas plásticos ou cineastas foráneos do último século e medio. Ese é o obxectivo de Detrás do espello, unha mostra que explora a biografía e o traballo dunha serie de autores foráneos que imaxinaron, construíron e proxectaron Galicia na súa obra, xa for a partir de representacións sobre referentes reais ou inventados.

Publicación que ten por obxectivo mellorar a seguridade dos pacientes a tratamento con Brivudina, Nitroglicerina e Buprenorfina, informar sobre as notificacións de sospeitas de reaccións adversas a medicamentos do ano 2022, así como recalcar a importancia de notificar as ditas sospeitas.

Actualización do informe anual da tuberculose, editado polo Programa galego de prevención e control da tuberculose, con datos do ano 2021 e a evolución do período 1996-2021.

O Manual DEA trata de utilizar os criterios sobre o uso do desfibrilador semiautomático externo (DEA) cara á docencia e a impartir os cursos DEA, polos instrutores de Urxencias Sanitarias de Galicia-061, para formar o persoal no seu uso, como parte esencial da cadea de supervivencia.

Neste documento preséntase o manexo metodolóxico da Guía de práctica clínica (GPC) sobre atención paliativa ao adulto en situación de últimos días do programa de GPC no Sistema nacional de saúde. Para cada área clínica abordada preséntase a pregunta clínica en formato PICOD (Paciente, intervención, Outcomes resultados e Deseño), a procura bibliográfica, os perfís de evidencia GRADE, as táboas de evidencia e os estudos excluídos e motivos de exclusión. Finalmente, preséntanse os custos unitarios dos fármacos máis empregados na situación de últimos días.

A Xunta de Galicia ofrece a posibilidade de que a xuventude galega empregue o seu tempo libre estival participando en actividades de educación non formal de carácter lúdico, cultural, deportivo, formativo etc. Para iso, cada ano preséntase a Campaña de Verán, unha iniciativa ambiciosa que non só é unha actividade de ocio para os mozos e mozas galegos, senón que tamén é un recurso de conciliación da vida familiar e laboral.
Baixo o lema “O verán que sempre vas lembrar”, a Campaña de Verán de 2023 da Xunta de Galicia desenvólvese durante os meses de xullo, agosto e setembro.

Tríptico que ofrece información correcta á cidadanía sobre a doazón de sangue, para que quen o desexe se faga doante.

Folleto divulgativo para a promoción da doazón na poboación en xeral. Tamén se pode solicitar o carné de doador de órganos e tecidos a través destes folletos.

Esta publicación da Axencia Galega da Calidade Alimentaria (Agacal), en colaboración co Grupo de Enxeñería de Organización da Universidade de Vigo, fai unha recompilación ordenada dos requisitos administrativos, orientada ás adegas (de xeito especial ás pequenas e medianas) pertencentes ás diferentes denominacións de orixe protexidas (DOP) e indicacións xeográficas protexidas (IXP) de Galicia, co propósito de que estas poidan mellorar o seu coñecemento e comprensión destes, e, como consecuencia, o seu cumprimento.