Catálogo

Fronda é unha publicación periódica bimestral en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estes foron producidos. Neste número (21), abórdanse os dramáticos sucesos de 1909 coñecidos como as "Mortes de Oseira", a partir do expediente xudicial que se conserva no AHPOu e no que se procesou por "delito de sedición" algúns dos participantes nunha manifestación que tivo lugar na cidade de Ourense, en protesta polos mencionados sucesos.

Fronda é unha publicación periódica bimestral en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estes foron producidos. Neste número (20) abórdase a invasión das tropas francesas en 1809. A partir dun documento conservado no AHPOu e firmado por Bernardo González "Cachamuíña", descríbense brevemente os movementos de tropas na provincia de Ourense e a resistencia popular, cunha breve biografía de "Cachamuíña".

O libro recolle unha selección das actuacións realizadas no ano 2008 no patrimonio arqueolóxico estruturada en capítulos segundo os tipos de actuación: de conservación e posta en valor (tanto en xacementos arqueolóxicos como no patrimonio construído), actuacións preventivas no ámbito urbano, no medio rural e no medio subacuático, as actuacións para o inventario e catalogación, e por último un novo capítulo dedicado á conservación e restauración de materiais. Ademais inclúese un artigo que resume a actividade do Servizo de Arqueoloxía no 2008 e finalmente un apéndice cunha táboa na que se recollen todas as actuacións autorizadas pola Dirección Xeral de Patrimonio Cultural no mesmo código do expediente, o título deste e o arqueólogo director.

En 1993 Paul Gilroy cuñou o termo "Atlántico negro" para se referir á fusión das culturas negras con outras de todo o Atlántico. O seu libro tivo unha enorme influencia na percepción e na análise da cultura negra no campo dos estudos culturais e alentou debates críticos que seguen en marcha. "Afro Modern. Viaxes polo Atlántico negro" recolle esa idea do océano Atlántico com continente en negativo, como unha rede de culturas circundantes e interconectadas que abrangue África, América do Norte e do Sur, o Caribe e Europa, e perfila rutas e imaxinarias emprendidas por artistas de todo o Atlántico desde 1909 até os nosos días.

Esta publicación é o catálogo da exposición Cámara Barroca, que tivo lugar entre outubro e decembro de 2010 no Claustro Alto do Mosteiro de San Martiño Pinario, en Santiago de Compostela. Nesta exposición dáse unha visión da arquitectura barroca galega a través das fotografías de seis fotógrafos galegos de recoñecido prestixio.

Selección de obras fotográficas realizadas por Luis Gabú resultado das súas investigacións e viaxes por Etiopía, nas que o autor reflicte a existencia dun núcleo cristián que se mantivo á marxe das relixións musulmá e xudía.

A fotografía de Jeff Wall está consciente e fondamente enraizada no social: na comunidade artística de Vancouver, onde xurdiu o seu traballo a comezos dos anos setenta, nas políticas raciais e de xénero do noso tempo, que analiza con excelente claridade nas súas caixas de luz de gran formato equiparables coa pintura pola súa escala e pola súa magnificencia. Neste volume, editado polo profesor Hans de Wolf e con contribucións de artistas e estudosos da súa obra, como David Claerbout, Roy Arden, Michael R. Taylor ou Peter Osborne, atopamos unha colaxe das referencias culturais que influíron na obra do artista canadense canda unha selección de aproximadamente 25 das súas obras máis salientables, realizadas entre os anos setenta e a actualidade.

Edición do número 21 (ano 2011) da revista Croa, órgano de expresión científica e difusión cultural do Museo do Castro de Viladonga, elaborado polo propio centro, coa colaboración da súa Asociación de Amigos, con dez artigos ou apartados de tema patrimonial (arqueolóxico, histórico e etnográfico). Este boletín serve ademais para establecer intercambios bibliográficos con outras institucións e asociacións similares, o que supón un notable incremento da biblioteca auxiliar especializada do Museo.

Fronda é unha publicación en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estos foron producidos. Neste número (43), a partir dun privilexio de xuro do ano 1650 outorgado por Felipe IV ao Concello de Ourense, abórdanse o problema da crise económica e da débeda pública na Monarquía dos Austrias menores.

Edición do número 22 (ano 2012) da revista Croa, órgano de expresión científica e difusión cultural do Museo do Castro de Viladonga, elaborado polo propio centro, coa colaboración da súa Asociación de Amigos, con dez artigos ou apartados de tema patrimonial (arqueolóxico, histórico e etnográfico). Este boletín serve ademais para establecer intercambios bibliográficos con outras institucións e asociacións similares, o que supón un notable incremento da biblioteca auxiliar especializada do Museo.

Catálogo da exposición que o Museo Arqueolóxico Provincial de Ourense inaugurou no outono de 2014, dentro das actividades que desenvolve esta institución no ano sinalado.

Fronda é unha publicación periódica bimestral en forma de folla voandeira coa que o Arquivo Histórico Provincial de Ourense (AHPOu) achega a un público ámplo o contido dos seus fondos documentais e o contexto histórico no que estos foron producidos. Neste número (46), a partir da relación dun plano do destacamento penal de Casaio, faise un achegamento a este tipo de dependencia penitenciaria dedicado á extracción de wolframio, así como á documentación que xerou mentres existiu.