Catálogo

Informe editado en soporte electrónico, que ten como obxectivo avaliar a exactitude diagnóstica e efectividade do procedemento determinación de hemoglobina glicosilada en sangue capilar. Como obxectivos específicos figuran: a) coñecer se a determinación de Hb A1C realizada en sangue capilar de maneira ambulatoria mellora os resultados do control metabólico cando o comparamos coas probas de laboratorio convencional e se é seguro para os pacientes con diabetes. b) coñecer se existe unha boa correlación entre os valores de Hb1C determinados en sangue capilar de forma ambulatoria e no laboratorio central.

Catálogo da exposición 'Pinceladas de realidade', montada polo Museo de Belas Artes da Coruña en 2005, sobre a obra de tres grandes pintoras, de longa traxectoria, integradas no movemento realista.

Catálogo da exposición 'Pinceladas de realidade', montada polo Museo de Belas Artes da Coruña en 2005, sobre a obra de tres grandes pintoras, de longa traxectoria, integradas no movemento realista.

Recompilación das disposicións normativas de política social publicadas no Diario Oficial de Galicia (DOG) en 2015. A información clasifícase en cinco grandes epígrafes: consellería, familia, inclusión, maiores e persoas con discapacidade e xuventude e voluntariado.

Revista de carácter científico que recolle artigos dos mellores especialistas do mundo, no que atinxe ao Camiño de Santiago (arte, historia etc.).

A publicación "Fundación Pública Urxencias Sanitarias de Galicia-061. Memoria 2014" presenta os datos da actividade desenvolvida ao longo do pasado ano. Inclúe, entre outras, as seguintes epígrafes: identificación do centro, contorno, estrutura e organización, recursos globais, actividade global, Centro de Formación en Medicina de Urxencias, Emerxencias e Catástrofes de Galicia, área de calidade, gabinete de prensa, servizo de tecnoloxía e sistemas de información, e servizo de atención ao usuario.

Informe que ten como propósito elaborar un documento de información para doentes con sarcoidose. Para este fin formuláronse os seguintes obxectivos específicos: analizar a calidade dos documentos de información para doentes con sarcoidose dispoñibles no ámbito nacional e internacional, identificar as necesidades de información no proceso de atención expresadas polos doentes, revisar a evidencia científica dispoñible e elaborar un documento de información baseado na evidencia.

Disco compacto que recolle o informe que avalía a efectividade clínica do cribado neonatal das seguintes patoloxías: Aciduria-3-hidroxi-3-metilglutárica (HMG; Deficiencia de beta-cetotiolasa (BKT).

Publicación en formato de disco dixital compacto para avaliar a efectividade e seguridade do dispositivo de asistencia ventricular esquerda HeartWare Ventricular Assist Device (HVAD) no tratamento de pacientes adultos con insuficiencia cardíaca avanzada.

Escolma de textos galegos de don Xosé F. Filgueira Valverde que non tenta ser representativa de todos os terreos (certamente numerosos) do espectro das Humanidades que frecuentou o polígrafo pontevedrés. A nosa escolla pertence ao eido da creación literaria (lírica e narrativa) e, sobre todo, dos estudos literarios. Conxuntamente, está representada a súa ampla traxectoria xornalística, que combina erudición, curiosidade e amenidade. Os textos respectan escrupulosamente os orixinais do autor e aínda levan algunhas notas que poden ser de utilidade. Está concibida, en todo caso, cunha intención clara de lle dar unha dimensión didáctica e divulgativa ao libro.

Pero Mafaldo, trobador cuxas orixes poden atoparse no norte de Portugal, arredor dos inicios do s. XIII, legou para a posteridade unha obra poética que non sobresae en número de composicións –xa que só conservamos nove cantigas do autor, copiadas no Cancioneiro da Biblioteca Nacional de Lisboa- mais si en diversidade e calidade, xa que cultivou os tres xéneros canónicos da lírica galego-portuguesa e dotounos de personalidade propia. Por isto, da man dos especialistas Manuel Ferreiro e Leticia Eirín, ofrécese unha edición crítica –seguida das pertinentes transcricións e reproducións, ademais dun glosario e rimario- que mellora os traballos anteriores sobre a obra de Pero Mafaldo.

Recompilación de poemas (haikus) de escritores/as e alumnado do IES Pintor Laxeiro de Lalín.