Segunda edición de Ocupesca, na que se dan a coñecer os resultados referidos á poboación ocupada nos buques con porto base en Galicia e nos establecementos acuícolas galegos durante o ano 2013 e a súa facturación económica durante o ano 2012.
Catálogo en galego/castelán/inglés onde se recolle a oferta de libros infantís e xuvenís producidos en Galicia durante o ano. Inclúe a descrición dos volumes, a reprodución en color das cubertas e a información editorial necesaria para identificar cada obra.
Publicación que fornece un coñecemento pormenorizado do mercado laboral na comunidade autónoma galega; achega datos de poboación, paro rexistrado e contratación.
Publicación que fornece un coñecemento pormenorizado do mercado laboral na comunidade autónoma galega; achega datos de poboación, paro rexistrado e contratación.
Publicación que proporciona un coñecemento pormenorizado do mercado laboral na comunidade autónoma galega, desagregado por provincias; achega datos de poboación, paro rexistrado e contratación.
Publicación que fornece un coñecemento pormenorizado do mercado laboral na comunidade autónoma galega; achega datos de poboación, paro rexistrado e contratación.
Guía técnica, publicada en liña, que recolle pautas de actuación na inspección de equipos eléctricos nas zonas clasificadas con risco de explosión.
Publicación electrónica en CD, que recolle o traballo centrado en identificar e analizar os criterios e procedementos empregados para a priorización de tecnoloxías sanitarias no nivel nacional/internacional, co fin de establecer criterios universais e enfoques prácticos que poidan servir de base para o desenvolvemento dun marco de priorización para o SNS.
Manual que pon á disposición de coidadores de persoas menores en situación de dependencia ferramentas e técnicas orientadas a axudar e favorecer o desenvolvemento persoal e a potenciar as habilidades do menor na busca de acadar as meirandes cotas de autonomía persoal.
A través de fichas, esta publicación electrónica en liña dános un estudo polo miúdo do mercado laboral na Comunidade Autónoma de Galicia; achega datos de poboación, paro rexistrado e contratación.
A liña de traballo consistente na publicación de material epistolar da autoría de sobranceiras figuras da nosa literatura ou dos nosos estudos filolóxicos, ten unha nova contribución en Cartas a Fermín Penzol, quen foi ilustre mecenas da cultura galega. Ramón Piñeiro, Ben-Cho-Shey, Cabanillas e Otero Pedrayo son os autores deste moi interesante feixe de cartas que se reproducen con escrupuloso respecto aos textos orixinais e se completan con observacións críticas co engadido de abondosas notas a rodapé.
O limiar e mais a nota de edición caracterizan e xustifican o contido deste libro e as súas peculiaridades filolóxicas.
Volume preparado para presentar a totalidade da obra escrita do ensaísta García-Sabell dentro dun mesmo paradigma hermenéutico. Está dividido en dúas partes: a primeira debulla os principios teóricos, mentres que a segunda remata por ser unha aplicación á cultura galega do tempo que lle tocou vivir (segunda parte do século XX). Como pano de fondo que se mantén ao longo de todas as epígrafes esculcados, mantense unha mesma secuencia: unha breve introdución a cada capítulo seguida dun desenvolvemento tripartito.
