Catálogo

Trátase dun folleto divulgativo dos contidos da visita á "Domus do mitreo" en Lugo, cuxa musealización realizouse no contexto da aparición dos restos dunha domus romana e un mitreo cando se facían as obras de rehabilitación do Edificio Pazo dos Montenegro para sede do Vicerreitorado da Universidade de Santiago no Campus de Lugo. O folleto achega ao visitante ao contexto cultural dos restos e fai unha pequena referencia ao uso das distintas estancias.

Músico, escritor, xornalista, profesor e artista plástico: na obra de Eugenio Granell conflúen unha gran variedade de disciplinas e influencias, que fan del un creador curioso, moderno e comprometido, non só co seu país de orixe, senón tamén con aqueles lugares que o acolleron durante os seus anos de exilio. O CGAC súmase á conmemoración do primeiro centenario do nacemento deste autor heteroxéneo e multidisci`plinar cunha publicación titulada "Eugenio Granell e o cine: unha película de vinte minutos", que se centra nunha das facetas menos coñecidas do escritor.

En novembro do 2012, o Centro Galego de Arte Contemporánea inaugurou unha mostra panorámica sobre o traballo do artista Fernando Casás (gondomar, Pontevedra, 1964). Desde mediados dos anos sesenta, este artista comezou a forzar unha obra de carácter conceptual, moitas veces efémera, e centrada nas cuestións da memoria e o paso do tempo na natureza. A súa obra funcionca como metáfora da ruptura das fronteiras entre natureza e cultura. O catálogo da exposición propón un achegamento á obra de Casás desde tres perspectivas diferentes e complementarias: a do comisario da mostra, Miguel von Hafe Pérez, a do escritor, poeta e amigo do artista Xosé María Álvarez Cáccamo, e a do filósofo, tradutor e crítico brasileiro Roberto Grey.

Fronda é unha publicación periódica en forma de folla voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estos foron producidos. Neste número (42), a partir do Regulamento do Hospital de San Roque de 1851, abórdanse os arquivos hospitalarios como fontes moi valiosas para reconstruír tanto a historia das súas institucións produtoras como a historia das actividades sociosanitarias en xeral.

Fronda é unha publicación periódica en forma voandeira coa que o Arquivo Histórico Provincial de Ourense (AHPOu) achega a un público amplo o contido dos seus fondos documentais e o contexto histórico no que estos foron producidos. Neste número (41), a partir do libro de actas da Xunta Provincial de Beneficencia do ano 1858, faise unha introdución xeral á orixe da idea de beneficencia pública, para a continuación enumerar os fondos de institucións benéficos-asistenciais que se custodian no AHPOu.

Os arquivos dependentes da Xunta de Galicia reúnen un patrimonio documental moi extenso, tanto polo seu volume como polo abano temporal que comprenden, que vai desde a Alta Idade Media (século IX) ata o século XXI. O seu interese é evidente tanto desde un punto de vista informativo ou cultural como administrativo. Os arquivos son recursos de coñecemento de gran valor pero practicamente descoñecidos para a maior parte da poboación. Trátase de contribuír á difusión tanto da existencia de centros administrativos ou culturais, como a natureza, orixe e a composición dos fondos documentais que os integran, así como a función social que desenvolven. A través do seu coñecemento, o lector accederá a unha realidade case descoñecida para a maior parte da cidadanía. A guía será unha porta de entrada ao coñecemento da realidade do patrimonio documental de Galicia.

Os arquivos dependentes da Xunta de Galicia reúnen un patrimonio documental moi extenso, tanto polo seu volume como polo abano temporal que comprenden, que vai desde a Alta Idade Media (século IX) ata o século XXI. O seu interese é evidente tanto desde un punto de vista informativo ou cultural como administrativo. Os arquivos son recursos de coñecemento de gran valor pero practicamente descoñecidos para a maior parte da poboación. Trátase de contribuír a difundir tanto a súa existencia de centros administrativos ou culturais, como a natureza, orixe e a composición dos fondos documentais que os integran, así como a función social que desenvolven. A través do seu coñecemento, o lector accederá a unha realidade case descoñecida para a maior parte da xente. A guía será unha porta de entrada ao coñecemento da realidade do patrimonio documental de Galicia.

Estudo do profesor Henrique Monteagudo dun conxunto de composicións poéticas en galego do século XV, descubertas nas partes posteriores (verso) de diversas escrituras notariais do ano 1434. Trátase de versos escritos ou copiados probablemente por un escribán ou un axudante seu da zona de Ferrol, probablemente nos comezos do segundo terzo do século XV, que reutilizou con este fin as partes non escritas dun caderno de notas ou minutas da escribanía. É poesía galega inédita dunha época ata agora só coñecida polas copias doutras composicións feitas por copistas casteláns (Cancioneiro de Baena), que descoñecián a lingua galega e transcribiron erroneamente moitas palabras.

Catálogo relativo á exposición do pintor Fernando Prieto na Casa da Parra de Santiago de Compostela, onde se pode apreciar a obra recente do autor, na que teñen cabida diversas series, que tratan sobre cuestións propias da súa pintura, de carácter realista e simbólica.

O Parque Arqueolóxico da cultura castrexa é unha infraestrutura desenvolvida dentro da Rede Galega de Patrimonio Arqueolóxico, destinada á investigación e difusión do castro de San Cibrao de Las e da cultura castrexa en Galicia. A infraestructura consta dunha zona exterior, na que se atopa o castro, preparado para a visita, e un centro de interpretación onde, mendiante unha montaxe expositiva, explícanse as claves para o coñecemento e comprensión da cultura castrexa e da evolución do castro e das persoas que o crearon e viviron alí. Esta publicación é unha guía de visita para completar a oferta divulgativa do Parque Arqueolóxico e afondar máis no que pode verse na exposición.

O Parque Arqueolóxico da cultura castrexa é unha infraestrutura desenvolvida dentro da Rede Galega de Patrimonio Arqueolóxico, destinada á investigación e difusión do castro de San Cibrao de Las e da cultura castrexa en Galicia. A infraestructura consta dunha zona exterior, na que se atopa o castro, preparado para a visita, e un centro de interpretación onde, mendiante unha montaxe expositiva, explícanse as claves para o coñecemento e comprensión da cultura castrexa e da evolución do castro e das persoas que o crearon e viviron alí. Esta publicación é unha guía de visita para completar a oferta divulgativa do Parque Arqueolóxico e afondar máis no que pode verse na exposición.

O Parque Arqueolóxico da cultura castrexa é unha infraestrutura desenvolvida dentro da Rede Galega de Patrimonio Arqueolóxico, destinada á investigación e difusión do castro de San Cibrao de Las e da cultura castrexa en Galicia. A infraestructura consta dunha zona exterior, na que se atopa o castro, preparado para a visita, e un centro de interpretación onde, mendiante unha montaxe expositiva, explícanse as claves para o coñecemento e comprensión da cultura castrexa e da evolución do castro e das persoas que o crearon e viviron alí. Esta publicación é unha guía de visita para completar a oferta divulgativa do Parque Arqueolóxico e afondar máis no que pode verse na exposición.