Catálogo

Documento que ten como obxectivo avaliar de forma comparada a eficacia/efectividade e seguridade da mastectomía de redución de risco en mulleres portadoras de mutacións portadoras do xene BRCA1 e/ou BRCA2, fronte a outras estratexias preventivas e de diagnóstico precoz. Amais da efectividade en termos de incidencia, mortalidade, supervivencia, calidade de vida, satisfacción e seguridade, abordaranse aspectos económicos, organizativos, éticos, sociais e legais.

Número oito da revista científica multilingüe Ad Limina, de carácter interdisciplinar e internacional, de investigación sobre o Camiño de Santiago e o fenómeno das peregrinacións.

Publicación que presenta, ao longo de 21 capítulos, os protocolos específicos de actuación para a atención a múltiples vítimas e catástrofes no contexto da comunidade autónoma de Galicia.

Publicación que presenta, ao longo de 21 capítulos, os protocolos específicos de actuación para a atención a múltiples vítimas e catástrofes no contexto da Comunidade Autónoma de Galicia.

A OMS estima que os trastornos mentais atópanse entre as principais causas de carga e discapacidade a nivel mundial e que esta tendencia irá en aumento. Estas estimacións baseáronse en revisións sistemáticas e estudos epidemiolóxicos illados. Con todo, é necesario avanzar cara á avaliación dos trastornos mentais e o seu impacto mediante medidas estandarizadas e válidas que permitan caomparar diferentes países e rexións. Esta obra ten como obxectivo analizar e avaliar a situación da saúde mental en Galicia, e analizar tamén a gravidade dos problemas estudados e a súa repercusión na calidade de vida.

Catálogo da exposición Camilo José Cela, realizada con motivo do centenario do nacemento do grande creador literario galego. Inaugurada na Biblioteca Nacional polo rei, estivo comisariada polo profesor Adolfo Sotelo, un dos meirandes especialistas na obra de Cela, conforma un retrato poliédrico sobre o Nobel, e amosa a súa actividade non só como novelista, senón como periodista, editor, dramaturgo, actor, pintor ou coleccionista, nun intento de achegarlle ao público visitante a potencia creativa do autor

Publicación baseada nos relatorios presentados nas XIII Xornadas da Sociedade Española de Ciencias e Técnicas Historiográficas, celebradas en Santiago de Compostela os días 15 e 16 de xuño de 2015, coordinadas pola profesora doutora Ana Suárez González.

Actas do IX Congreso Internacional de Estudios Jacobeos, celebrado entre os días 22-24 de outubro de 2015 na cidade de Santiago, no que se reuniron un grupo de profesionais representativo da historiografía internacional contemporánea que centra boa parte do seu traballo no estudo das peregrinacións a Santiago. Uns e outros trataron, dende as súas respectivas ópticas, as relacións e interaccións do culto mariano e a devoción xacobea nos camiños de peregrinación a Compostela e na propia cidade do Apóstolo.

Operación estatística extraída da información facilitada polas propias persoas interesadas sobre a concesión ou renovación dos títulos de familia numerosa entre o 1 de xaneiro e o 31 de decembro do ano en curso. Informa tamén sobre a normativa aplicable e os requisitos que se deben cumprir para o recoñecemento da condición de familia numerosa.

Catálogo en galego/castelán/inglés onde se recolle a oferta de libros infantís e xuvenís producidos en Galicia durante o ano. Inclúe a descrición dos volumes, a reprodución en color das cubertas e a información editorial necesaria para identificar cada obra.

Obra de consulta para aqueles que queiran coñecer e afondar no tema da ordenación territorial e urbanística do litoral en Galicia, con referencias á recente Lei 2/2016, do 10 de febreiro, do solo de Galicia.

Guía sobre a atención integral que as nenas e os nenos de 0 a 3 anos deben recibir para previr os trastornos do desenvolvemento e para orientar as familias e profesionais con interese nesta materia. Resulta unha ferramenta práctica sobre unha etapa da crianza clave para a súa evolución de cara a idades posteriores e, tamén, de cara a configurar a súa autoestima e a súa seguridade e xerar personalidades máis seguras, máis autónomas e máis sas.