Catálogo

Este informe pretende afondar na realidade da xuventude galega no ámbito do emprego, máis concretamente achegar a información pertinente para analizar como é a súa representación nas diferentes ocupacións que conforman o actual mercado laboral. Os menores de 30 anos supoñen o 18% da poboación activa galega, é dicir, aquela que está en idade de traballar e consta como ocupada ou na procura activa dun novo emprego, pero, ao mesmo tempo, son o 34% dos demandantes parados. Esta desigualdade tan evidente dá boa conta das dificultades que a mocidade ten no acceso ao mercado de traballo e da especial vulnerabilidade que esta situación xera para este colectivo.

O presente estudo ofrece unha descrición, a través da análise de dez ocupacións, da situación na que se atopan os mozos galegos no seu acceso ao mercado laboral tendo en conta a posibilidade de renovación ou substitución que poida supor o paulatino abandono do sistema produtivo da poboación máis envellecida

Publicación na que se recolle unha análise sobre o estado e as tendencias da racionalización de horarios na Comunidade Autónoma de Galicia e una comparativa con outras comunidades.

Este estudo, deseñado e elaborado por médicos e enfermeiros especialistas en Medicina do Traballo, forma parte da Estratexia galega en prevención de riscos laborais 2011-1014 e constitúe un obxectivo prioritario na loita contra a sinistralidade laboral deste sector.

Esta guía, froito do convenio de colaboración entre a Xunta de Galicia e o Ministerio de Agricultura, Alimentación y Medio Ambiente insírese como unha das actuacións de desenvolvemento do Programa Galicia inviste no rural.
Nela danse unhas pautas básicas para a prevención e mellora do traballo diario das persoas que traballan no marisqueo a pé co fin de mellorar a súa saúde e garantir o seu benestar.

Tríptico informativo sobre a importancia que as boas posturas teñen para os traballadores no marisqueo a pé

Boletín no que se recollen as informacións diversas do Instituto Galego das Cualificacións para a súa divulgación.

Este estudo monográfico analiza a situación e a evolución recente no ámbito laboral dos traballadores empregados no sector da silvicultura e a explotación forestal en Galicia

Guía técnica do ISSGA cuxo obxectivo é a elaboración do documento de protección contra explosións. Este documento é obrigatorio en certas instalacións, de acordo co Real decreto 681/2003, sobre protección da saúde e a seguridade dos traballadores expostos aos riscos derivados de atmosferas explosivas no lugar de traballo, trasposición da Directiva 1999/92/CE

Esta é unha publicación seriada na que se recolle información diversa do Instituto Galego das Cualificacións para a súa divulgación.

Análise das radiacións ópticas incoherentes: ultravioleta, visible e infravermellas, os seus valores límite de exposición e magnitudes e unidades de radiación óptica artificial.

A avaliación de riscos resultará imprescindible para xestionar o risco de manipulación manual de pacientes. Os seus obxectivos serán por tanto mellorar as condicións de traballo, diminuíndo a carga biomecánica, como a implementar unha mellora da calidade asistencial. A avaliación dos risco requirirá ademais dunha planificación, e constará de varias etapas, entre as que sinalamos a identificación do problema, a estimación e avaliación do nivel de risco e a proposta das medidas preventivas axeitadas aos riscos detectados.