Catálogo

Publicación dirixida a técnicos sanitarios e persoal de ONG que traballan no campo do VIH-sida, que trata o tema das novas infeccións polo virus da inmunodeficiencia humana e outras infeccións de transmisión sexual. Infórmase sobre o importante cambio que se produce cando este problema sanitario se considera desde a perspectiva de infección e non de enfermidade. Desta forma coñecemos as características actuais da epidemia destas infeccións, tanto no que se refire ás persoas afectadas como ás prácticas de risco e á distribución temporoespacial.

O Programa de integración familiar, programa promovido pola Consellería de Política Social, atende familias residentes en Galicia nas que se integra, polo menos, una persoa menor de idade que, pola súa vez, é obxecto de atención por parte do Sistema de protección de menores da Xunta de Galicia por existir unha situación de vulnerabilidade e/ou desprotección. O Programa desenvólvese co obxecto de recuperar, consolidar e fortalecer as capacidades e habilidades de protección das familias para evitar a separación dos nenos do seu contorno familiar. Trátase de garantir o desenvolvemento integral da infancia e da adolescencia a través da cobertura das súas necesidades. Tamén se realiza un labor preventivo e de detección precoz das situacións problemáticas. Este estudo presenta unha revisión, validación e optimización do Programa desde un enfoque socioeducativo de mellora da competencia familiar.

A escola cumpre unha función social moi importante na formación integral das persoas. Educar no respecto á diversidade afectivo-sexual forma parte inherente da formación integral da infancia, ligada a valores clave como son a igualdade, a pluralidade, a diferenza e o respecto.
Por iso, para facilitar unha resposta unánime que garanta o dereito á identidade de xénero, póñense á disposición dos centros educativos estas medidas tendentes a guiar as actuacións en materia organizativa e de resposta do sistema educativo.

Documento orientativo que pretende ser unha guía aberta que cada centro deberá adaptar ás súas intencións e necesidades á hora de elaborar o plan de convivencia.

O Consello de Bioética de Galicia pretende mostrar e examinar críticamente a dimensión ética da práctica sanitaria para consolidar unha mirada bioética no exercicio profesional e no funcionamento das institucións. Este documento quere cumprir a dita misión ofrecendo argumentos éticos para promover unha cultura da confidencialidade no Sistema de saúde de Galicia a través da actuación responsable dos seus tres principais axentes. O exercicio da autonomía e os dereitos da cidadanía só se poden garantir mediante o respecto por parte dos profesionais e o compromiso da Administración sanitaria e as institucións na súa tutela.

O Consello de Bioética de Galicia conta, entre as súas función, coa de contribuír á información e favorecer o debate da cidadanía sobre as dimensións éticas e sociosanitarias da práctica asistencial. Unha vez máis a celebración dunha xornada monográfica sobre un tema de interese estratéxico para a organización sanitaria foi a ferramenta elixida para o cumprimento da súa función. A participación plural de diversos axentes sociais e as experiencias das comunidades punteiras no ámbito do tema obxecto da xornada queda recollida neste documento, a través dos relatorios co fin de difundir estas achegas aos profesionais do ámbito sanitario e sociosanitario e promover a formación e a consideración da bioética como criterio de calidade e boa práctica profesional.

Boletín que presenta os novos medicamentos evolocumab e alirocumab. Forman parte dunha nova xeración de hipolipemiantes (anticorpos monoclonais) que poderían dar resposta, polo menos en parte, a esta necesidade, ao abriren una nova vía terapéutica para a redución dos niveis de colesterol e, con iso, para a prevención da enfermidade aterotrombótica, especialmente en pacientes de alto risco. Ademais de revisar a eficacia, seguridade e o custo de novos medicamentos trátase de identificar os pacientes que máis poden beneficiarse destes tratamentos.

A poboación diana susceptible de necesitar probas diagnósticas da intolerancia á lactosa é elevada, o cal pode producir un grande impacto na asistencia sanitaria nas listas de espera e/ou recursos humanos e económicos. Por iso, realizouse unha revisión sistemática sobre a sensibilidade e especificidade, uso, indicacións, efectos adversos e custos do test do H2 no alento e outras alternativas para o diagnóstico desta patoloxía.

Memoria da Oficina de Coordinación de Transplantes correspondente ao ano 2016. Recolle a actividade da oficina e dos hospitais galegos referida á doazón e ao transplante tanto de órganos como de tecidos.
Tamén recolle os datos do programa de garantía de calidade na doazón e transplante e detállanse os centros autorizados para extracción e o implante de órganos e tecidos, así como os establecementos de tecidos.
En canto á oficina, descríbense as actividades desenvolvidas por ela, así como os obxectivos para o vindeiro ano.

O Boletín de actualizacións bibliográficas en urxencias prehospitalarias nº 9, editado pola Comisión de Investigación da Fundación Pública Urxencias Sanitarias de Galicia-061, presenta as últimas novidades no campo da urxencia e a emerxencia sanitaria na atención extrahospitalaria.

O obxectivo deste documento é avaliar a efectividade e seguridade clínica do sistema BLES® como técnica de biopsia percutánea de lesións mamarias sospeitosas de malignidade, clasificadas segundo a escala BIRADS nas categorías 3 e 4, así como a súa capacidade terapéutica de exérese completa.

Nesta guía preséntanse todos os establecementos de turismo rural de Galicia con fotografía de cada un deles, os seus datos e mais os servizos que ofrece. Aparecen distribuídos por provincias e, dentro de cada unha, por categorías. Saliéntanse os que teñen o Q de Calidade. Inclúese un mapa cos principais espazos naturais e unha listaxe coas asociacións de turismo rural.​