Catálogo

Un dos problemas máis frecuentes que atopa o colectivo dos refuxiados no sistema sanitario é o problema de comunicación provocado polo descoñecemento do idioma.
Por isto, un dos itinerarios formativos do Programa de mellora da asistencia sanitaria ás persoas refuxiadas, solicitantes e beneficiarias de protección internacional ten o obxectivo de facilitar o acceso e o coñecemento do sistema sanitario a estas persoas mediante ferramentas formativas relacionadas co desenvolvemento dalgunhas técnicas de diagnóstico, consultas de especialistas etc.
Os vídeos de accesibilidade cognitiva permiten salvar a barreira idiomática para que estas persoas poidan comprender, de modo sinxelo, os pasos que se seguen en diferentes situacións da atención sanitaria.

O obxectivo deste informe é avaliar a seguridade e a efectividade da epiduroscopia con intervención mecánica, con o sin ablación por radiofrecuencia, no tratamento do síndrome de cirurxía fallida de costas e da estenose espinal lumbar.

A Guía de Práctica Clínica de Prevención y Tratamiento de la Conducta Suicida publicouse no ano 2012 formando parte do Programa de Guías do Sistema Nacional de Saúde. O propósito desta guía era mellorar a atención e prevención da conduta suicida e axudar á toma de decisións dos profesionais sanitarios e dos pacientes e familiares. O tempo transcorrido desde a súa publicación, a nova evidencia publicada e a prioridade do problema fan relevante a súa revisión. O obxectivo deste informe é documentar o procedemento para a revisión da vixencia das recomendacións da guía e os principais resultados e conclusións do grupo de traballo.

Resumo gráfico dos efectos do porco celta sobre as árbores do ensaio para medir o dano e avaliar a resistencia destas árbores ao dano.

Operación estatística extraída da información facilitada polas propias persoas interesadas sobre a concesión ou renovación dos títulos de familia numerosa entre o 1 de xaneiro e o 31 de decembro do ano en curso. Informa tamén sobre a normativa aplicable e os requisitos que se deben cumprir para o recoñecemento da condición de familia numerosa.

As cardiopatías conxénitas constitúen o defecto conxénito máis frecuente e nas últimas décadas asistimos a un importante avance no tratamento das mesmas.
Neste documento faise unha recompilación de recomendacións para a práctica da actividade física no ámbito escolar galego, para os nenos entre 6 e 16 anos portadores da maioría das cardiopatías conxénitas e familiares.

Publicación anual con información estatística sobre menores en situación de desprotección e sobre adopcións. Define as distintas figuras legais que protexen a situación de risco e desamparo: garda, tutela e acollemento, sexa familiar ou residencial. Tamén define e analiza o proceso legal das adopcións, na súa dobre vertente: nacional e internacional. Por último, describe os programas de apoio ás persoas menores e ás súas familias levadas a cabo polos servizos especializados de protección da infancia.

O programa FEMORA recompila procedementos estandarizados, con evidencia científica, para os profesionais do Sergas.
Protocolizar os coidados constitúe un instrumento indispensable de soporte para a práctica clínica. Entre as súas numerosas vantaxes cabe destacar a redución na diversidade inapropiada da práctica clínica, o que propicia unha atención máis xusta e equitativa aos nosos pacientes. Este procedemento unifica, así mesmo, criterios de actuación que nos serven de punto de partida para unha avaliación da calidade do proceso.

O programa FEMORA recompila procedementos estandarizados, con evidencia científica, para os profesionais do Sergas.
Protocolizar os coidados constitúe un instrumento indispensable de soporte para a práctica clínica. Entre as súas numerosas vantaxes cabe destacar a redución na diversidade inapropiada da práctica clínica, o que propicia unha atención máis xusta e equitativa aos nosos pacientes. Este procedemento unifica, así mesmo, criterios de actuación que nos serven de punto de partida para unha avaliación da calidade do proceso.

Boletín informativo de periodicidade bimestral elaborado pola Sección de Publicacións e Estatísticas da Secretaría Xeral Técnica da Consellería de Política Social. Estrutúrase en varias seccións: Actualidade, Estatísticas, Alertas e Normativa, e ten como principal obxectivo informar verbo das actuacións máis salientables da Consellería no seu ámbito competencial e a información e formación das persoas usuarias.

O obxectivo deste documento consiste en avaliar de forma comparada a seguridade e efectividade clínica da ablación térmica por láser e por radiofrecuencia no tratamento dos nódulos tiroideos benignos sólidos sintomáticos fronte ao tratamento habitual (cirurxía convencional ou vixilancia activa).

O obxectivo deste documento é avaliar a efectividade e seguridade do dispositivo iSYS1®, que é un sistema remoto de guía e posicionamento sen armazón para intervencións en neurocirurxía estereotáctica guiada por imaxes. Este sistema consiste nunha unidade de microposicionamento robótico para guiar e posicionar de forma precisa os instrumentos (catéteres/eléctrodos) e unha unidade de macroposicionamento para a adaptación da unidade robótica ás diferentes mesas de intervención cirúrxica.