Catálogo

Os coidados paliativos (CP) comprenden a asistencia activa a persoas con eventos graves de saúde, especialmente cando se achegan ao final da vida. O seu obxectivo é mellorar a calidade de vida de pacientes e familiares. Os CP aplicaríanse ao longo da enfermidade, en todos os niveis asistenciais. Segundo a definición, o acceso temperán podería considerarse inherente aos CP, pero na práctica habitual adoitan reservarse para o final da vida. No ámbito da oncoloxía existe unanimidade en canto a que o comezo dos CP sexa nas fases iniciais da enfermidade. Este informe conclúe que cos datos dispoñibles actualmente non é posible determinar se os CP precoces en enfermidades oncolóxicas son máis efectivos que o tratamento oncolóxico estándar. Por outro lado, o obxectivo da avaliación dos C.P. debería centrarse na satisfacción e nas necesidades das persoas enfermas e as súas familias.

Organización e coordinación da calidade e seguridade clínica desde unha visión multidisciplinar na área sanitaria de Pontevedra e O Salnés. Na publicación sinálanse as liñas de traballo sobre calidade e satisfacción do usuario, así como a certificación e acreditación de novos servizos. Destaca o cronograma para o cumprimento da mellora dos obxectivos de ADX. Hai que destacar os premios e recoñecementos en seguridade e calidade obtidos nos anos 2019-2020. Xa por último, cómpre destacar a consecución de obxectivos como a estandarización do 50% dos protocolos e a estandarización de procedementos, protocolos e outros documentos. En suma, un exemplo da actividade realizada na área sanitaria a través do establecemento de relacións internas e externas para unha coordinación asistencial.

O pasado mes de marzo publicouse a Lei Orgánica 3/2021, de 24 de marzo, de eutanasia. Entra en vigor o 25/06/2021. Esta guía pretende axudar a todos os profesionais sanitarios para prestar a prestación de axuda para morrer que establece esta Lei Orgánica.

Este procedemento intégrase no programa FEMORA que recopila procedementos estandarizados con evidencia científica para os profesionais do Sergas.
Ten como finalidade describir as pautas a seguir para unha correcta toma da temperatura corporal en humanos

Neste folleto recóllense aqueles fitos ou monumentos máis salientables dos Camiños de Santiago do norte de España. Trátase dun proxecto xurdido da colaboración de sete das comunidades que integran o Consello Xacobeo. No caso de Galicia aparecen un total de dez puntos de especial significado no ámbito xacobeo, pertencentes aos Camiños Francés, Primitivo e do Norte. Son espazos de gran valor artístico e histórico, vinculados de xeito moi estreito á peregrinación a Compostela.

Operación estatística extraída da información facilitada polas propias persoas interesadas sobre a concesión ou renovación dos títulos de familia numerosa entre o 1 de xaneiro e o 31 de decembro do ano en curso. Informa tamén sobre a normativa aplicable e os requisitos que se deben cumprir para o recoñecemento da condición de familia numerosa.

Publicación anual con información estatística sobre menores en situación de desprotección e sobre adopcións. Define as distintas figuras legais que protexen en situación de risco e desamparo: garda, tutela e acollemento, sexa familiar ou residencial. Tamén define e analiza o proceso legal das adopcións, na súa dobre vertente: nacional e internacional. Por último, describe os programas de apoio ás persoas menores e ás súas familias levados a cabo polos servizos especializados de protección da infancia.

Este procedemento intégrase no programa Femora que recopila procedementos estandarizados, con evidencia científica, para os profesionais do Servizo Galego de Saúde.
A finalidade deste procedemento é describir as actividades encamiñadas a proporcionar fármacos ao paciente por vía sublingual.

Nesta guía expóñense con claridade as razóns biolóxicas de porqué as persoas con TDAH teñen máis predisposición a abusar e facer mal uso das novas tecnoloxías, coa correspondente invasión da privacidade, á cal se dedica tamén un capítulo. É moi importante que se entenda a importancia das condicións e termos de cesión de información (a tendencia natural dunha persoa hiperactiva é aceptar sen mirar).
Hai capítulos dedicados aos usos máis frecuentes: os videoxogos, as redes sociais, nos cales, ademais de describilas, trata como se debe facer un uso correcto, os potenciais perigos e como evitalos, así como recomendacións de vida saudable dando alternativas divertidas e formativas.
A guía finaliza con moito material práctico e consellos práctico, de moito valor para as familias e educadores.
En definitiva, os principais obxectivos desta guía son presentar as características do trastorno por déficit de atención e hiperactividade (TDAH) por facer un mal uso das novas tecnoloxías, definir e mostrar o funcionamento das redes sociais e videoxogos máis empregados e por último, dotar os adultos de ferramentas e estratexias que lles permitan educar e acompañar no uso saudable das novas tecnoloxías.

Guía na que se explica o que é un dron, os tipos e sistemas, elementos, accesorios, cámaras, carga de pagamento... Analízase o seu uso coa PRL, a utilización como equipo de traballo, os riscos asociados ao seu uso, primeiros auxilios, escenarios, estudo de seguridade aérea, coordinación de actividades empresariais e diferentes aplicacións en prevención.

Publicación sobre os tipos de drons, o que podemos facer con eles, a seguridade e saúde no seu uso e aquelas actividades susceptibles de seren realizadas con drons.

Este procedemento intégrase no programa Femora, que recompila procedementos estandarizados, con evidencia científica, para os profesionais do Sergas.
Este procedemento pretende documentar as accións para a realización correcta da toma de mostra capilar para determinar a glicosa.