Catálogo

Edición conmemorativa do catálogo da exposición: Foi un home. Laxeiro en América (Buenos Aires, 1950-1970). A mostra establece unhanova ollada sobre a obra de José Otero Abeledo (Laxeiro), amosando unha madurez plena que coincide coa súa longa estadía arxentina entre 1950 e 1970, período no que adquire a súa maior independencia artística. O catálogo inclúe textos de Carlos Bernárdez, Javier Buján, Antón Castro, Cecilia Doporto, fotografías das 42 obras que forman parte da exposición e unha reprodución do catálogo da Exposición de artistas gallegos que tivo lugar en 1951 en Buenos Aires.

O proxecto Ámbito de Estudos en Historia Contemporánea do Centro Ramón Piñeiro para a Investigación en Humanidades comeza a súa andaina con este primeiro volume da colección Olladas no Pasado que leva por título A Galicia do século XX.
Partindo dunha serie de capítulos dun libro anterior do profesor Justo Beramendi, ademais de deitar unha ollada os principais socalcos da Historia de Galicia ao longo do século XX, dende os tempos das Irmandades da Fala e de Nós, ata a Transición e a Autonomía, pasando pola longa noite de pedra, reprodúcese unha extensa entrevista ao autor e inclúese unha ampla biobibliografía e unha pertinente cronoloxía.

Folleto da exposición Constelación Luz: Luz Pozo Garza (1922-2022), poesía, arte e vida, comisariada por Olivia Rodríguez González.

A exposición enmárcase nunha serie de actividades que está previsto realizar para conmemorar o centenario do nacemento desta poeta galega, que doou o seu arquivo e biblioteca persoal ao Arquivo e á Biblioteca de Galicia.

Nº 10 da colección O papel do teatro, que acolle as obras levadas a escena polo Centro Dramático Galego (CDG), coeditada pola Axencia Galega das Industrias Culturais (Agadic) e Edicións Positivas.

Recortes, caneos e outras formas de driblar recrea un de tantos partidos de fútbol do século a través do comportamento de xogadores, adestradores, xornalistas, directivos, árbitros, seareiros e demais personaxes principais, secundarios ou figurantes que conforman o espectáculo futbolístico.

Logo do éxito de Fariña, o espectáculo teatral, Nacho Carretero volve unir forzas con Tito Asorey, José L. Prieto e Xosé A. Touriñán neste espectáculo sobre o mundo do fútbol e todo o que o rodea. Un paseo lúdico, crítico e musical sobre o espectáculo futbolístico que percorre a súa cara máis radiante sen esquecer a máis sombría. Recortes, caneos e outras formas de driblar é unha viaxe emocionante ao interior das paixóns futbolísticas a través do humor e da música.

Nº 8 da colección "O papel do teatro", que acolle as obras levadas a escena polo Centro Dramático Galego (CDG), coeditada pola Axencia Galega das Industrias Culturais (Agadic) e Edicións Positivas. "Serva me, servabo te" fala do hoxe, de nós, de como afrontarmos xuntos as ondas do presente. O título, Serva me, servabo te (axúdame e axudareiche, en latín), coloca na escena a loita dos corpos contra as marusías da historia. Corpo, voz e espazo como elementos básicos e primixenios da expresión teatral. Unha viaxe á procura de novos retos e na que o risco, a xenerosidade e o traballo comprometido da compañía Pálido Domingo, aos mandos da creación, teñen como resultado unha proposta fermosa e desafiante.

Guía da colección de arte do Museo de Belas Artes da Coruña.

Guía da colección de arte do Museo de Belas Artes da Coruña.

Guía da colección de arte do Museo de Belas Artes da Coruña.

Santiago de Compostela no tempo é o catálogo da primeira exposición que se pon en marcha das sete mostras que conforman un proxecto máis amplo, Cidades no tempo, que terá como protagonistas as sete principais urbes galegas ao longo desde 2022-2022. A exposición explora a interacción entre o urbanismo, a sociedade e o territorio que conforma a capital de Galicia, abranguendo distintas perspectivas.

Ferrol no tempo é o catálogo da segunda exposición que se pon en marcha das sete mostras que conforman un proxecto máis amplo, Cidades no tempo, que terá como protagonistas as sete principais urbes galegas ao longo desde 2022-2022. A exposición explora a interacción entre o urbanismo, a sociedade e o territorio que conforma a capital de Galicia, abranguendo distintas perspectivas.

Número XIII da revista científica multilingüe, Ad Limina, de carácter multidisciplinar e internacional, de investigación sobre o Camiño de Santiago e o fenómeno das peregrinacións. Nesta ocasión, trátase dun número monográfico especial dedicado á “Cultura escrita, mulleres e peregrinación na Europa Medieval”.

A Vía da Prata. Aires do sur proponnos un percorrido a través de 150 anos de historia da fotografía, que nos convida a reflexionar sobre a soidade, a distancia e o paso do tempo. A exposición componse dunha selección de fotografías do século XIX ao XXI, tomadas en diferentes puntos do percorrido do Camiño desde Sevilla a Santiago de Compostela da man de figuras consagradas e emerxentes da arte fotográfica.