Libro-catálogo que acompañou a exposición do mesmo nome presentada en Lugo en 2006. Nel estúdase o movemento irmandiño, a sociedade galega do século XV, a arte do momento, as peregrinacións a Santiago etc., a través dos seguintes apartados: “Vida cotiá e vivencia do alén”, “Encrucillada no Atlántico”, “A gloria do Señorío”, “Tesouros e reliquias”, “Gorrións contra falcóns” e “Imaxes de peregrinación”.
María José García Blanco é a responsable desta nova edición da tradución a castelán do Códice Calixtino, presentada en 1951 polos profesores A. Moralejo, C. Torres e J. Feo, e reeditada pola Xunta de Galicia en 1993, 1999 e 2004. A profesora García Blanco xa participara con J.J. Moralejo na revisión de 2004. Preséntase agora unha nova edición revisada e corrixida, que inclúe novos rexistros bibliográficos.
Publicación que recolle os traballos presentados no III Congreso de Manuel Luís Acuña: conferencias, relatorios, mesas redondas...
Guía ilustrada da exposición "María Luísa de Orleáns, unha raíña efémera". O retrato de María Luisa de Orleáns que se expón de forma permanente no Museo de Belas Artes da Coruña, serve de pretexto para a elaboración desta exposición, que trata da chegada á corte da nova soberana, esposa de Carlos II, e da súa repercusión na vida artística e cultural nun momento de máximo esplendor do barroco e da arte efémera española.
Guía ilustrada da exposición "María Luísa de Orleáns, unha raíña efémera". O retrato de María Luisa de Orleáns que se expón de forma permanente no Museo de Belas Artes da Coruña, serve de pretexto para a elaboración desta exposición, que trata da chegada á corte da nova soberana, esposa de Carlos II, e da súa repercusión na vida artística e cultural nun momento de máximo esplendor do barroco e da arte efémera española.
Catálogo da exposición temporal "A fraxilidade no tempo. O vidro na antigüidade".
Catálogo da exposición "Cultura-cultura", doazón de arte e arqueoloxía de Caja Madrid ao Museo de Montserrat.
Actas do primeiro simposio celebrado en Monforte sobre o Condado de Lemos, no que participaron diversos especialistas de recoñecido prestixio, coordinado por Anselmo López Carreira.
Publicación que recolle unha síntese do Plan Director da catedral de Tui, elaborada por un amplo grupo de especialistas que se centraron en diversos aspectos: estudos histórico-artísticos, de materiais e técnicos, estado material das fábricas e os seus compoñentes, o seu comportamento hidráulico, a realidade espacial, litúrxica e cultual no conxunto, e propostas (desde intervencións puramente construtivas, ata propostas de usos, proxeccións e continuidade da investigación). Así mesmo, o plan director completo pódese consultar no dvd que leva incorporado o libro no interior da contracapa.
Revista de carácter científico que recolle artigos dos mellores especialistas do mundo, no que atinxe ao Camiño de Santiago (arte, historia etc.).
Actas do Congreso Internacional sobre Musealización de Xacementos Arqueolóxicos nas que se recollen os artigos referentes aos relatorios e comunicacións presentados. Contén tamén un CD no que, mediante un índice, pode accederse aos arquivos en PDF e JPG dos pósteres que estiveron expostos durante as xornadas nas que se desenvolveu, na recepción do Palacio de Congresos e Exposicións de Galicia. Os pósteres recollen diversas experiencias, tanto de España como de Portugal, de xacementos musealizados e preparados para a visita do público. Aínda que a lingua prioritaria é o galego, mantivéronse as orixinais dos artigos (galego, castelán, portugués e inglés), debido á natureza internacional do evento.
Volume que ofrece as claves para gozarmos e interpretarmos o románico dun dos lugares fundamentais do románico galego, na Ribeira Sacra.
