Neste informe preséntanse os resultados e principais conclusións dunha enquisa realizada a mulleres que participaron no Programa Galego de Detección Precoz do Cancro de Mama. A enquisa foi realizada nos meses de maio e xuño de 2008. Ademais destes resultados preséntase información adicional da evolución experimentada desde 1998.
O final da vida pon en evidencia que a medicina ten límites e que hai procesos non susceptibles de curación que requiren ser atendidos, procesos aos que a sociedade e o sistemasanitario deben prestar especial atención para ofrecer ás persoas unha asistencia integral centrada en acadar a maior calidade de vida posible. Esta comisión, na súa preocupación consciente polos dilemas éticos que suscitan os coidados nesta etapa, impulsou un proceso de reflexión cuxo resultado é o presente documento e, cuxo obxectivo é servirlles de marco de referencia e orientación aos profesionais sobre os conflictos éticos e contribuir a mellorar o desenvolvemento dos dereitos fundamentais.
Memoria da actividade desenvolvida por Galaria, Empresa Pública de Servizos Sanitarios durante o ano 2011, que inclúe actividade asistencia, consultoría e protección radiolóxica, produción de radiofármacos, participación en actividades de eficiencia enerxética e xestión do servizo de cita previa telefónica "Saúde en liña", así como datos de recursos humanos, actividade científica, estrutura organizativa e novas tecnoloxías incorporadas á empresa.
Libro de preguntas e respostas arredor da doazón e os transplantes para informar a poboación e resolver as dúbidas máis frecuentes que se poden plantexar sobre a doazón de órganos e tecidos. Envíase un exemplar a cada persoa que solicita o carné de doador de órganos e tamén se distribúe nas mesas informativas e nas charlas que se imparten nos institutos aos alumnos de secundaria e ciclos formativos. Edición bilingüe.
A Dirección Xeral de Innovación e Xestión da Saúde Pública, procura a modificación dos patróns alimentarios e de actividade física da poboación xeral e de grupos específicos en particular. Parece existir consenso ao afirmar que as poboacións con dieta rica en vexetais e froitas e dieta baixa en graxas animais, carnes roxas e/ou calorías, presentan menos risco de padecer algúns dos máis frecuentes tipos de cancro. A fibra é un compoñente esencial dentro dunha dieta saudable, a inxestión diaria de fibra proporciona moitos efectos beneficiosos no organismo, contribúe ao mantemento da saúde e prevén a aparición de distintas enfermidades. Nesta publicación proponse 20 menús, que inclúen pratos ricos en fibra que poden axudar a cubrir a recomendación diaria.
Trátase dunha publicación que pretende inducir á reflexión aos profesionais que traballan na contorna da Atención Primaria (AP) sobre o que se pode e se debe facer desde as consultas dos centros de saúde en relación cos problemas derivados do consumo de drogas. Tamén se pretende dar unha claves para a adecuada intervención neses problemas e suxerir como afondar nun estudo máis amplo.
Memoria anual, xeral e asistencial do Hospital da Costa.
Este manual realízase para facilitar aos inspectores de saúde pública unha ferramenta resumida, manexable e transportable de consulta para a súa labor cotiá dentro do programa de prevención e control da lexionelose, estrutúrase en doce capítulos, dende nocións básicas de epidemioloxía, tratamento de auga, normativa e guías técnicas e os programas de mantemento hixiénico sanitario e a avaliación de riscos das instalacións, descrición detallada das diversas instalacións que teñen risco de propagar a lexionelose, seguindo cunha visión dos aspects procedementais da función inspectora, unha referencia á toma e ao análise de mostras e a investigación dos casos illados e abrchos, para concluir cun caso práctico e modelos de actuación na acción inspectora..
Publicación que recolle a actividade desenvolvida na Área Sanitaria de Ferrol ao longo do ano 2009
A Fundación Pública Urxencias Sanitarias de Galicia -061 edita a súa memoria de actividade do ano 2009, na que se inclúen os seguintes apartados, limiar, identificación do centro, contorno, estrutura e organización, recursos globais, actividade global, centro de formación en medicina de urxencias, emerxencias e catástrofes de Galicia, área de calidade, gabinete de prensa, servizo de tecnoloxía e sistemas da información e servizo de atención ao usuario.
Este informe ten como obxectivo principal a evaluación do funcionamento da ferramenta PriTec para priorizar tecnoloxías sanitarias que sería relevante observar tras a súa introdución na práctica clínica.
O obxectivo deste informe é a elaboración de guías de uso de recursos de información útiles na práctica clínica e na investigación biomédica. Como produto deste informe elabóranse dúas guías, Guía de uso de National Guideline Clearinghouse, e Guía de uso de Clinicaltrials.gov. Publicadas como separatas na edición elctrónica.
