Catálogo

Cartel dirixido aos técnicos de PRL no cal se explica como identificar e avaliar o nivel de exposición aos nanomateriais.

Cartel que explica como promover a integración e realizar o seguimento da PRL nano na actividade da empresa.

Cartel que explica que son os nanomateriais e cales son os principais riscos e medidas preventivas que se deben adoptar.

Cartel dirixido aos traballadores no cal se informa da existencia de produtos con nanomateriais na construción e a necesidade de coñecer os riscos, formarse e protexerse.

Folleto que recolle o impacto que poden ter as novas aplicacións das tecnoloxías sobre as persoas traballadoras.

Folleto que recolle as pautas do Issga e os deberes preventivos relativos ao radon no ámbito laboral. Inclúe un apéndice sobre o Plan nacional contra o radon e un segundo sobre a Estratexia para reducir a exposición ao radon.

Mayte Vieta (Blanes, Girona, 1971) é unha artista visual que utiliza o espazo e a luz como medios de expresión combinando a práctica da fotografía coa escultura e a instalación.
Coas súas pezas crea atmosferas oníricas en cuxa realidade paralela coexisten a gravidade e a ingravidez, e onde as fronteiras entre o apracible e o tráxico se dilúen para suxerir estados de ánimo que na súa ambigua intensidade integran estes opostos.
As súas paisaxes, compostas por non-lugares de silencio e quietude, fálannos da suspensión do presente e da inmersión nun novo universo gravitacional, onde o tempo se retarda, o instante se alonga e o suxeito devén en natureza.

En 2021, coincidindo co trixésimo aniversario da posta en marcha da Facultade de Belas Artes de Pontevedra (1990-2020), o CGAC organizou unha exposición que reunía unha selección significativa de traballos plásticos realizados polo alumnado que transitou polas súas aulas ao longo desas últimas décadas de actividade. Para este fin, escolléronse trinta artistas, que cobren o arco temporal das diferentes promocións.
O catálogo da exposición Cultivar incertezas ofrécenos un testemuño en papel do que foi aquela exposición, canda algunhas reflexións útiles sobre a experiencia que supuxo a implantación da formación superior en belas artes dentro do ecosistema da arte galega. Trátase dunha revisión necesaria sobre o que se fixo e o que aínda queda por facer.

Novos imaxinarios profunda na creación cinematográfica recente en España e Portugal, e contextualízaa no marco dunha reflexión sobre o cinema máis alá da pantalla, onde as salas do museo proporcionan un lugar específico para proxectar novos imaxinarios. Organizada polo Centro Galego de Arte Contemporánea (CGAC), esta mostra acolle propostas, ben inéditas ou ben presentadas por primeira vez en Galicia, de Oliver Laxe, Susana de Sousa Dias, Albert Serra, Helena Girón e Samuel M. Delgado, Lois Patiño, Salomé Lamas, Isaki Lacuesta e Laida Lertxundi. No seu formato expositivo, cada cineasta articula novas obras que debuxan parábolas cinematográficas con propostas instalativas que ocupan dous andares do museo; son novas linguaxes que nos achegan realidades desde unha perspectiva contemporánea, á vez que nos mostran as posibilidades narrativas e físicas dun medio en constante reinvención.

Trátase do catálogo dunha exposición que, acompañado de varios textos, recolle as fotografías da mostra, xunto con outras non expostas, que ilustra o maior encontro relixioso do mundo. Este ano celebrouse o Maha Kumbh Mela (o gran Kumbh Mela) e Manuel Valcárcel recolleu un suceso que non acontecía desde 1881 e que tardará 144 anos en se repetir.

A telemonitorización de pacientes constitúe un alicerce esencial dentro dos novos modelos de atención sanitaria, ao permitir o seguimento continuo de pacientes fóra da contorna hospitalaria mediante dispositivos conectados e sistemas de comunicación dixitais.

Segunda edición, corrixida e aumentada, deste libro que sintetiza nas súas páxinas a historia das peregrinacións xacobeas, desde a súa orixe ata a actualidade, destacando o carácter esencial do fenómeno xacobeo para a identidade de Occidente; ofrécenos tamén unha visión de conxunto do Primeiro Itinerario Cultural Europeo, cunha referencia sucinta á rede dos camiños xacobeos en Europa; continúa coa visión do fenómeno no ámbito peninsular, para rematar cun estudo polo miúdo dos camiños de Santiago en Galicia. O libro ilústrase con abundantes fotografías que serven de apoio ao contido puramente textual.