Informe de avaliación dun estudo de investigación sobre a lectura na adolescencia e a influencia do programa de clubs de lectura da Asesoría de Bibliotecas Escolares da Dirección Xeral de Centros e Recursos Humanos.
Informe sobre o percorrido do programa das bibliotecas escolares de Galicia durante o período 2005-2020.
Este informe avalía un novo procedemento para a creación de fístulas arteriovenosas por vía percutánea, unha alternativa minimamente invasiva en relación coa cirurxía aberta tradicional, para pacientes con enfermidade renal crónica que precisan hemodiálise. A evidencia publicada suxire que podería ser unha alternativa eficaz e segura; no entanto, está basada en estudos de calidade baixa.
Nos últimos anos houbo un aumento no número de determinacións analíticas de vitamina D (VitD) e no número de suplementos de VitD prescritos. Esta situación foi causada pola suposición dunha asociación entre niveis non óptimos de VitD e resultados adversos en varias condicións clínicas diferentes das relacionadas coa deficiencia (raquitismo e osteomalacia). Esta publicación recolle unha revisión sistemática sobre o uso adecuado da vitD e unhas recomendacións por consenso dun grupo multidisciplinar de profesionais clínicos, que serían que non é necesario determinar os niveis de vitamina D en adultos sans asintomáticos e sen factores de risco para déficit de VitD. A suplementación con vitamina D neste grupo de poboación (sans asintomáticos) non demostrou beneficios independentemente dos niveis de VitD. No entanto, a suplementación poderase considerar en maiores de 70 anos residentes en institucións sen necesidade de determinación.
Os coidados paliativos (CP) comprenden a asistencia activa a persoas con eventos graves de saúde, especialmente cando se achegan ao final da vida. O seu obxectivo é mellorar a calidade de vida de pacientes e familiares. Os CP aplicaríanse ao longo da enfermidade, en todos os niveis asistenciais. Segundo a definición, o acceso temperán podería considerarse inherente aos CP, pero na práctica habitual adoitan reservarse para o final da vida. No ámbito da oncoloxía existe unanimidade en canto a que o comezo dos CP sexa nas fases iniciais da enfermidade. Este informe conclúe que cos datos dispoñibles actualmente non é posible determinar se os CP precoces en enfermidades oncolóxicas son máis efectivos que o tratamento oncolóxico estándar. Por outro lado, o obxectivo da avaliación dos C.P. debería centrarse na satisfacción e nas necesidades das persoas enfermas e as súas familias.
As Actas del XI Congreso Internacional de Estudios Jacobeos, tituladas Berenguel de Landoria, son o resultado de dar continuidade ao longo proceso que o Comité Internacional de Expertos do Camiño de Santiago iniciou no ano 1992 e abriu novas fronteiras á investigación. Nesta ocasión reuniuse na cidade de Santiago, do 19 ao 22 de febreiro de 2020, un grupo de profesionais co propósito de afondar na figura de Berenguel de Landoria (arcebispo de Santiago, 1317-1330) así como nun período pouco coñecido e moi rico da historia de Galicia. O congreso pon de manifesto a relevancia dos relatores e a calidade e variedade das intervencións, con recoñecidos investigadores de España, Francia, Italia, Polonia, Portugal e Estados Unidos.
Número doce da revista científica Ad Limina, de carácter interdisciplinar e internacional, multilingüe, de investigación sobre o Camiño de Santiago e o fenómeno das peregrinacións.
Organización e coordinación da calidade e seguridade clínica desde unha visión multidisciplinar na área sanitaria de Pontevedra e O Salnés. Na publicación sinálanse as liñas de traballo sobre calidade e satisfacción do usuario, así como a certificación e acreditación de novos servizos. Destaca o cronograma para o cumprimento da mellora dos obxectivos de ADX. Hai que destacar os premios e recoñecementos en seguridade e calidade obtidos nos anos 2019-2020. Xa por último, cómpre destacar a consecución de obxectivos como a estandarización do 50% dos protocolos e a estandarización de procedementos, protocolos e outros documentos. En suma, un exemplo da actividade realizada na área sanitaria a través do establecemento de relacións internas e externas para unha coordinación asistencial.
O pasado mes de marzo publicouse a Lei Orgánica 3/2021, de 24 de marzo, de eutanasia. Entra en vigor o 25/06/2021. Esta guía pretende axudar a todos os profesionais sanitarios para prestar a prestación de axuda para morrer que establece esta Lei Orgánica.
Este procedemento intégrase no programa FEMORA que recopila procedementos estandarizados con evidencia científica para os profesionais do Sergas.
Ten como finalidade describir as pautas a seguir para unha correcta toma da temperatura corporal en humanos
Neste folleto recóllense aqueles fitos ou monumentos máis salientables dos Camiños de Santiago do norte de España. Trátase dun proxecto xurdido da colaboración de sete das comunidades que integran o Consello Xacobeo. No caso de Galicia aparecen un total de dez puntos de especial significado no ámbito xacobeo, pertencentes aos Camiños Francés, Primitivo e do Norte. Son espazos de gran valor artístico e histórico, vinculados de xeito moi estreito á peregrinación a Compostela.
Operación estatística extraída da información facilitada polas propias persoas interesadas sobre a concesión ou renovación dos títulos de familia numerosa entre o 1 de xaneiro e o 31 de decembro do ano en curso. Informa tamén sobre a normativa aplicable e os requisitos que se deben cumprir para o recoñecemento da condición de familia numerosa.
