Folleto que recolle as pautas do Issga e os deberes preventivos relativos ao radon no ámbito laboral. Inclúe un apéndice sobre o Plan nacional contra o radon e un segundo sobre a Estratexia para reducir a exposición ao radon.
A telemonitorización de pacientes constitúe un alicerce esencial dentro dos novos modelos de atención sanitaria, ao permitir o seguimento continuo de pacientes fóra da contorna hospitalaria mediante dispositivos conectados e sistemas de comunicación dixitais.
O cancro de mama é o máis frecuente entre as mulleres e a principal causa de morte por esta enfermidade. A radioterapia intraoperatoria (RIO) consiste en aplicar unha única dose de radiación directamente na área do tumor durante a cirurxía. Este informe analiza como de efectiva e segura é esta técnica para previr recaídas e mellorar a calidade de vida, en comparación coa radioterapia tradicional. Os estudos revisados indican que a RIO presenta máis risco de recaídas que a radioterapia externa, pero causa menos efectos secundarios e pode achegar maior benestar ás pacientes. A pesar da súa comodidade, aínda precisa máis evidencia para confirmar a súa efectividade a longo prazo.
A prescrición diferida de antibióticos consiste en iniciar o tratamento antibiótico 2-3 días despois da consulta, só se os síntomas non melloran. Esta estratexia reduce o uso innecesario de antibióticos no tratamento de infeccións respiratorias superiores, que adoitan ser víricas e autolimitadas, dunha forma segura e eficaz. Os niveis de satisfacción dos/as pacientes e as taxas de reconsulta son semellantes ás da prescrición inmediata. A súa implementación require a formación de profesionais e cidadanía, así como o uso de materiais informativos axeitados. As ferramentas electrónicas de xestión das prescricións contribúen ao éxito da intervención.
Non existe evidencia do uso da campá de baleiro no tratamento do pectus excavatum (PE) en pacientes menores de 18 anos en comparación coa corrección cirúrxica mínimamente invasiva (MIRPE). Así mesmo, tampouco se estableceu a súa efectividade en comparación con outras intervencións, como a fisioterapia respiratoria ou medidas estándar de coidado do PE. Por outra parte, en pacientes demasiado novos para se someteren a cirurxía, ou que a rexeitan, a evidencia está limitada a un único estudo de baixa calidade con resultados moi modestos, o cal impide determinar con certeza a súa efectividade real. Aínda que o dispositivo pode considerarse seguro, notificáronse acontecementos adversos de escasa entidade asociados ao seu uso.
Folleto que indentifica os EPI que se empregarán segundo o posto desempeñado no sector forestal. Inclúe os postos de motoserrista, operario/a de poda/corta en altura, operario/a de rozadora, peón forestal, maquinista forestal e transportista forestal. Para cada posto emprega unha ficha, na parte dianteira contén recomendacións e na traseira, a descrición dos EPI que se deben empregar. Na páxina 15 inclúe unha táboa resumo coa indicación da obrigatoriedade do emprego.
O obxectivo deste estudo foi identificar as necesidades de información e preferencias das e dos responsables da toma de decisións a nivel macro, meso e micro con respecto aos produtos de avaliación de tecnoloxías sanitarias (ETS) elaborados pola Rede Española de Axencias de Avaliación de Tecnoloxías Sanitarias e Prestacións do Sistema Nacional de Saúde. Segundo as e os participantes consultados en grupos focais online, os produtos de ETS percíbense como útiles, rigorosos e de alta calidade. Entre as propostas de mellora destacan: incluír información contextual nos informes de avaliación; mellorar a difusión, especialmente dos produtos de tecnoloxías sanitarias novas e emerxentes; perfeccionar a presentación de resultados dos informes de avaliación económica; e, mellorar a incorporación de pacientes e persoal experto no desenvolvemento de informes.
A Sociedade de Cirurxía de Galicia e o Grupo Galego de Coloproctoloxía, conscientes do incremento do cancro de recto na nosa Comunidade e do cambio porcentual progresivo na incidencia desta enfermidade en pacientes mozos, celebraron unha reunión de consenso co fin de mellorar a calidade das prestacións que as unidades de Coloproctoloxía da nosa Comunidade deben achegar aos cidadáns e de elaborar unhas guías con pautas consensuadas sobre o tratamento cirúrxico do cancro de recto que lles sirvan aos cirurxiáns para unha mellor toma de decisións.
As recomendacións plasmadas nesta guía deben ser interpretadas no contexto dun traballo multidisciplinar e representan fundamentalmente a parte cirúrxica.
Informar a poboación dos resultados do programa de vixilancia sanitaria das zonas de baño de Galicia, no ano 2024
Este protocolo de actuación contra as violencias sexuais e LGBTIfóbicas nos eventos e espazos festivos establece unha serie de pautas preventivas e de actuación para cando se produza algún tipo de violencia contra as mulleres ou as persoas LGBTI en espectáculos musicais, en actividades culturais e sociais desenvolvidas ao aire libre e en festas e verbenas populares.
Inclúe unha serie de recomendacións de actuación para todas as persoas que interveñen na organización e no desenvolvemento das indicadas actividades, ás cales tamén se lles facilitan materiais de información e sensibilización sobre o rexeitamento das condutas machistas, recollidos nos anexos do protocolo.
O catálogo da exposición De comerciantes a banqueiros. Orixes da banca en Galicia reproduce tanto os textos explicativos como as imaxes e as descricións dos documentos expostos na exposición organizada polo Arquivo de Galicia que foi inaugurada o día 9 de xuño, Día Internacional dos Arquivos, no Edificio da Biblioteca e Arquivo de Galicia da Cidade da Cultura de Santiago de Compostela e que permaneceu aberta ata o día 15 de outubro deste ano.
Nela exhíbíronse unha selección de 89 documentos que nos achegan ao fenómeno da actividade bancaria en Galicia nunha época de profundas transformacións políticas, económicas e sociais, entre as que destaca o inicio do movemento emigratorio a grande escala a mediados do século XIX.
Catálogo en galego, castelán e inglés onde se recolle a oferta de libros infantís e xuvenís producidos en Galicia durante o ano. Inclúe a descrición dos volumes, a reprodución en cor das cubertas e a información editorial necesaria para identificar cada obra.
