Catálogo

Volume preparado para presentar a totalidade da obra escrita do ensaísta García-Sabell dentro dun mesmo paradigma hermenéutico. Está dividido en dúas partes: a primeira debulla os principios teóricos, mentres que a segunda remata por ser unha aplicación á cultura galega do tempo que lle tocou vivir (segunda parte do século XX). Como pano de fondo que se mantén ao longo de todas as epígrafes esculcados, mantense unha mesma secuencia: unha breve introdución a cada capítulo seguida dun desenvolvemento tripartito.

Publicación electrónica en liña que presenta dun xeito estruturado e coherente o total dos datos estatísticos correspondentes ao ámbito da educación non universitaria do curso 2012/13. Recóllense todos os aspectos cuantificados, a través de distintas fontes, e faise referencia tanto aos centros públicos coma aos privados nos distintos tipos e niveis de ensinanzas no ámbito galego.
Esta publicación foi revisada polo Servizo de Formación, Asesoramento Lingüístico e Proxección Exterior da Lingua da Subdirección Xeral de. Política Lingüística
Difundirase soamente na web no portal da Consellería de Cultura, Educación e Ordenación Universitaria, no sitio temático “Estatísticas Educativas”: http://www.edu.xunta.es/web/node/2956

Novo boletín informativo de periodicidade bimestral da Consellería de Política Social. Estrutúrase en varias seccións: Actualidade, Estatísticas, Alertas bibliográficas e Normativa e ten como principal obxectivo informar sobre as actuacións máis salientables da Consellería no seu ámbito competencial e a información e formación das persoas usuarias.

A publicación Preguntas reais ou preguntas retóricas recolle as distintas reflexións sobre os criterios que deben guiar as actuacións dos servizos de actividades e proxectos educativos dentro do marco dos museos e centros culturais, conclusións froito das charlas dos especialistas que participaron nas xornadas e encontros de educación artística realizadas no Centro Galego de Arte Contemporánea e no Centre Civic Sant Andreu en maio do 2006.
 

Nesta obra Ramón Villares e Marcelino Fernández fan unha aproximación global ao feito migratorio galego con destino a América, aproximación feita desde dúas vertentes ben diferenciadas: nunha ofrécese unha visión máis ampla que atinxe ao marco xeral europeo e á propia historia de Galicia e noutra, máis sistemática, exponse o proceso migratorio galego desde o Antigo Réxime ata o repunte final da emigración americana nos anos da posguerra.

Informe resumo de actuacións realizadas ao longo do servizo icoopera

Edición de carácter bibliográfico que recolle a reprodución literaria galega anual tanto no ámbito de creación coma no da información relativa á posta en escena de obras literarias, premios e revistas en formato CD. Resultado do proxecto de investigación "Informes de literatura", que se desenvolve no Centro Ramón Piñeiro para a Investigación en Humanidades

Guía de recomendacións para o uso da innovación e as tecnoloxías da información e da comunicación (TIC) nas cooperativas galegas. Proxecto Icoopera.

Edición actualizada da guía do conxunto patrimonial do Museo e o Castro de Viladonga, elaborada polos servizos técnicos do Museo baixo a dirección do centro, estruturada en catro capítulos que se corresponden coas salas de exposción permanente; feita nos dous idiomas oficiais de Galicia e acompañada dos textos en alemán, francés e inglés. Ademais de destinarse á venda ao público, a publicación servirá para os intercambios bibliográficos que estableceu o Museo con institucións similares, o que supón un notable incremento da súa biblioteca auxiliar especializada.

Publicación electrónica en liña dirixida a todas as persoas profesionais do ámbito da nefroloxía. Descríbe a epidemioloxía da enfermidade renal terminal e os seus tratamentos, tanto a diálise coma o transplante na Comunidade Autónoma de Galicia. Así mesmo, recolle os datos correspondentes a 2013 e a evolución dos últimos anos.

Informe que describe o Programa galego para a detección da xordeira en período neonatal: obxectivo xeral, obxectivos específicos, poboación obxectivo, proba de cribado, estrutura organizativa e procedementos, así como os seus resultados no período 2014.

Catálogo correspondente á exposición conmemorativa da entrega da doazón de 93 obras de arte por dona Carolina González Abad, no seu nome e no do seu marido, don Manuel Santiago Blanco, a favor da Xunta de Galicia, para a súa exposición, estudo e custodia no Museo de Belas Artes da Coruña.