Catálogo

Folleto divulgativo sobre as características e potencialidades do cooperativismo para o emprendemento e a creación de emprego.

Documento que describe o proceso de atención dos pacientes afectos por un trastorno aditivo, centrándose en asegurar unha atención sanitaria de calidade con garantía de atención semellante a calquera outra patoloxía, regulando a forma de acceso dos pacientes a esta prestación sanitaria e asegurando o seu seguimento con criterios de calidade.

O informe describe o Programa galego para a detección da xordeira en período neonatal: obxectivo xeral, obxectivos específicos, poboación obxectivo, proba de cribado, estrutura organizativa e procedementos, así como os resultados no período 2002-2008.

Neste informe preséntanse os resultados e principais conclusións dunha enquisa realizada a mulleres que participaron no Programa Galego de Detección Precoz do Cancro de Mama. A enquisa foi realizada nos meses de maio e xuño de 2008. Ademais destes resultados preséntase información adicional da evolución experimentada desde 1998.

O final da vida pon en evidencia que a medicina ten límites e que hai procesos non susceptibles de curación que requiren ser atendidos, procesos aos que a sociedade e o sistemasanitario deben prestar especial atención para ofrecer ás persoas unha asistencia integral centrada en acadar a maior calidade de vida posible. Esta comisión, na súa preocupación consciente polos dilemas éticos que suscitan os coidados nesta etapa, impulsou un proceso de reflexión cuxo resultado é o presente documento e, cuxo obxectivo é servirlles de marco de referencia e orientación aos profesionais sobre os conflictos éticos e contribuir a mellorar o desenvolvemento dos dereitos fundamentais.

Memoria da actividade desenvolvida por Galaria, Empresa Pública de Servizos Sanitarios durante o ano 2011, que inclúe actividade asistencia, consultoría e protección radiolóxica, produción de radiofármacos, participación en actividades de eficiencia enerxética e xestión do servizo de cita previa telefónica "Saúde en liña", así como datos de recursos humanos, actividade científica, estrutura organizativa e novas tecnoloxías incorporadas á empresa.

Libro de preguntas e respostas arredor da doazón e os transplantes para informar a poboación e resolver as dúbidas máis frecuentes que se poden plantexar sobre a doazón de órganos e tecidos. Envíase un exemplar a cada persoa que solicita o carné de doador de órganos e tamén se distribúe nas mesas informativas e nas charlas que se imparten nos institutos aos alumnos de secundaria e ciclos formativos. Edición bilingüe.

A Dirección Xeral de Innovación e Xestión da Saúde Pública, procura a modificación dos patróns alimentarios e de actividade física da poboación xeral e de grupos específicos en particular. Parece existir consenso ao afirmar que as poboacións con dieta rica en vexetais e froitas e dieta baixa en graxas animais, carnes roxas e/ou calorías, presentan menos risco de padecer algúns dos máis frecuentes tipos de cancro. A fibra é un compoñente esencial dentro dunha dieta saudable, a inxestión diaria de fibra proporciona moitos efectos beneficiosos no organismo, contribúe ao mantemento da saúde e prevén a aparición de distintas enfermidades. Nesta publicación proponse 20 menús, que inclúen pratos ricos en fibra que poden axudar a cubrir a recomendación diaria.

Publicación dirixida aos técnicos e ONG que traballan no campo do VIH-sida sobre as novas infeccións polo virus da inmunodeficiencia

Avaliación da afectividade da braquiterapia endoluminal con alta tasa de doses no tratamento do cáncer de esófago, en termos de recurrencia, supervivencia, control de síntomas e calidade de vida dos pacientes, así como determinar a seguridade de dito procedemento en termos de toxicidade da radioterapia.

O Programa de vixilancia sanitaria de zonas de baño realizase na Comunidade Autónoma de Galicia dende o ano 1983. Este programa lévase a cabo por parte de todas as comunidades autónomas coordinado polo Ministerio de Sanidad y Consumo, desde o ano 1988. Esta publicación recolle os resultados obtidos en cada temporada de baño, tras realizar os controis oportunos. Os parámetros controlados son os que indica a lexislación vixente (Real Decreto 1341/2007, de 11 de outubro, sobre a xestión da calidade das zonas de baño de Galicia. Pódese consultar no seguinte enderezo, http,//sergas.es/MostrarContidos_N3_T01.aspx?IdPaxina=62701

Este manual realízase para facilitar aos inspectores de saúde pública unha ferramenta resumida, manexable e transportable de consulta para a súa labor cotiá dentro do programa de prevención e control da lexionelose, estrutúrase en doce capítulos, dende nocións básicas de epidemioloxía, tratamento de auga, normativa e guías técnicas e os programas de mantemento hixiénico sanitario e a avaliación de riscos das instalacións, descrición detallada das diversas instalacións que teñen risco de propagar a lexionelose, seguindo cunha visión dos aspects procedementais da función inspectora, unha referencia á toma e ao análise de mostras e a investigación dos casos illados e abrchos, para concluir cun caso práctico e modelos de actuación na acción inspectora..